বিশেষ বাৰ্তা, ২৩জুন: আন্ত:ৰাষ্ট্ৰীয় পৰ্য্যায়ত জিলিকিল নগাঁৱৰ কন্যা ৷ ডুবাইত অনুষ্ঠিত লোকনৃত্য প্ৰতিযোগিতাত নগাঁৱৰ ভোটাইগাঁৱৰ ক্যাট্ৰিনা কাশ্যপে প্ৰথম স্থান লাভ কৰিবলৈ সক্ষম হৈছে ৷ ডুবাইত অনুষ্ঠিত আন্ত:ৰাষ্ট্ৰীয় গ্লোবেল হাৰমনিত অনুষ্ঠিত লোকনৃত্য প্ৰতিযোগিতাত ভাৰতৰ হৈ অংশগ্ৰহণ কৰিছিল ক্যাট্ৰিনাই ৷ ক্যাট্ৰিনা কাশ্যপে পূৰ্বে ২০১৯ চনতো আন্ত:ৰাষ্ট্ৰীয় পৰ্যায়ত অনুষ্ঠিত প্ৰতিযোগিতাত কৃতিত্ব অৰ্জন কৰিবলৈ সক্ষম হৈছিল ৷ বেংককত অনুষ্ঠিত আন্ত:ৰাষ্ট্ৰীয় গ্লোবেল হাৰমনিত শাস্ত্ৰীয় নৃত্য প্ৰতিযোগিতাত অংশ লৈ প্ৰথম পুৰস্কাৰ লাভ কৰিবলৈ সক্ষম হৈছিল ৷ দশম মান শ্ৰেণীত অধ্যয়নৰত ক্যাট্ৰিনা কাশ্যপ ডুবাইৰ পৰা বুধবাৰে নগাঁৱত উপস্থিত হৈছে ৷ তেওঁৰ পিতৃ জ্যেষ্ঠ অধিবক্তা অজিত কুমাৰ বৰা আৰু মাতৃ নিৰ্ম্মালি বৰা ৷
প্ৰেৰক কনক হাজৰিকা