ডিঙিত ফুলৰ মালা লৈ বিদেশী যুৱতী এগৰাকী হৃষীকেশত গংগাত স্নান কৰাৰ ভিডিঅ’ই সামাজিক মাধ্যমত অলোড়নৰ সৃষ্টি কৰিছে৷ ছ’চিয়েল মিডিয়াত তীব্র বিতর্কৰ সৃষ্টি কৰা ভিডিঅ’টোত বিদেশী যুৱতী এগৰাকীয়ে ডিঙিত ফুলৰ মালা লৈ হাতযোৰ কৰি প্রণামেৰে গংগাত নামে৷ ইয়াৰ পিছত গংগাত ফুলৰ মালাসহ ডুব মাৰে৷ এই ভিডিঅ’ প্রচাৰ হোৱাৰ পিছতে সামাজিক মাধ্যমত বিদেশী যুৱতীগৰাকীয়ে পৱিত্র গংগাত বিকিনি পিন্ধি স্নান কৰাটো ভাৰতীয় সংস্কৃতিৰ বিৰোধী বুলি কঠোৰ ভাষাৰে গৰিহণা জনোৱা হৈছে৷
একাংশই বিদেশী যুৱতীগৰাকীৰ কার্যক সমর্থন কৰিলেও একাংশই এই কার্যক কঠোৰ ভাষাৰে সমালোচনা কৰিছে৷ উল্লেখ্য যে হৃষীকেশত বহু বিদেশী পর্যটকে আহি পৱিত্র গংগাত স্নান কৰে৷ এইক্ষেত্রত তেওঁলোকে সাজ–পোছাকৰ ওপৰত বিশেষ গুৰুত্ব নিদি ধর্মীয় ৰীতি–নীতি মতে গংগাত স্নান কৰি অহিছে৷ ইয়াৰ পূর্বেও এনে ধৰণে বহু বিদেশী পর্যটকে গংগাত স্নান কৰিছিল যদিও বিদেশী যুৱতীগৰাকীয়ে তেওঁৰ গংগাত স্নান কৰা ভিডিঅ’ সামাজিক মাধ্যমত প্রচাৰ কৰাৰ পিছতেই বিতর্কৰ সৃষ্টি হৈছে৷ সামাজিক মাধ্যমত একাংশই দাবী কৰা মতে, যদি এনেধৰণে কোনো ভাৰতীয় মহিলাই গংগাত স্নান কৰিলেহেঁতেন তেন্তে মহিলাগৰাকীক গ্রেপ্তাৰ কৰা হ’লহেঁতেন৷ কিন্তু বিদেশী মহিলাগৰাকীক কিয় এৰি দিয়া হৈছে?
নিউজ ডেস্ক, ২৩ অক্টোবৰ :