নিয়মীয়া বাৰ্তা, ২৬ ফেব্ৰুৱাৰীঃ bদীর্ঘদিন ধৰি অ’টিটি (অভাৰ দ্য টপ) তথা ছ’চিয়েল মিডিয়াত প্রকাশিত আৰু সম্প্রচাৰিত হোৱা বিষয়বস্তুৰ ওপৰত নিয়ন্ত্রণৰ দাবী উত্থাপন হৈছিল৷ শেহতীয়াকৈ এই দিশত উদ্যোগ গ্রহণ কৰিছে কেন্দ্রীয় চৰকাৰে৷ অ’টিটি আৰু ছ’চিয়েল মিডিয়া কণ্টেণ্টৰ বাবে নির্দিষ্ট নতুন নির্দেশাৱলী জাৰি কৰিছে কেন্দ্রীয় তথ্য প্রযুক্তি মন্ত্রী ৰবিশংকৰ প্রসাদে৷ এই নির্দেশাৱলীত উল্লেখ কৰা হৈছে যে প্রত্যেক প্লেটফর্মৰ বাবে অভিযোগ নিৰসন প্রক্রিয়া থাকিব লাগিব৷ ২৪ ঘণ্টাৰ ভিতৰতে অভিযোগ অধিকাৰীক নিয়োগ কৰিব লাগিব৷
১৫ দিনৰ ভিতৰতে অভিযোগ নাইকিয়া কৰিব লাগিব৷ বলৱৎ কৰা হ’ব ‘ক’ড অৱ এথিকছ’৷ এইক্ষেত্রত গঠন কৰিব উচ্চস্তৰীয় কমিটী৷ নিউজ ৱেবছাইটে পঞ্জীয়ন কৰিব লাগিব আইটি মন্ত্রণালয়ত৷ ডিজিটেল মিডিয়াই মানি চলিব লাগিব প্রেছ কাউন্সিল অৱ ইণ্ডিয়াৰ নিয়ম৷