নিয়মীয়া বাৰ্তা ২১ জুলাইঃ ইছলাম ধর্মাৱলম্বী লোকসকলৰ পৱিত্র অনুষ্ঠান ঈদৰ পূর্বে কালি প্রচণ্ড বিস্ফোৰণত কঁপি উঠে ইৰাকৰ ৰাজধানী বাগদাদৰ সমীপৱর্তী ছাদৰ চিটীৰ এখন বজাৰ৷ এই বিস্ফোৰণত কম পক্ষেও ৩৫ গৰাকী লোক নিহত হোৱাৰ উপৰি আন কেইবাজনো লোক গুৰুতৰভাৱে আহত হয়৷ নিৰাপত্তা বাহিনী আৰু হাস্পতালৰ সূত্রই সদৰী কৰিছে এই তথ্য৷ হাস্পতালৰ তৰফৰ পৰা প্রকাশ কৰা অনুসৰি বিস্ফোৰণটোত ৬০গৰাকীতকৈ অধিক আহত হৈছে৷ আহতসকলৰ কেইবাজনৰো অৱস্থা সংকটজনক বুলি উল্লেখ কৰা হৈছে৷ এই বিস্ফোৰণৰ দায়িত্ব স্বীকাৰ কৰিছে কুখ্যাত জেহাদী সংগঠন ইছলামিক ষ্টেটে৷