এটা দশকৰ ভিতৰত আটাইতকৈ ভয়াৱহ গুলিচালনা, আমেৰিকাৰ স্কুলত গুলিচালনাত নিহতৰ সংখ্যা ২১ লৈ বৃদ্ধি
বিশেষ বাৰ্তা, ২৫ মেঃ মঙলবাৰে টেক্সাছৰ এখন প্ৰাথমিক বিদ্যালয়ত প্ৰৱেশ কৰি এজন কিশোৰ বন্দুকধাৰীয়ে কমেও ১৯ টি শিশু আৰু দুজন প্ৰাপ্তবয়স্কক হত্যা কৰে। প্ৰায় এটা দশকৰ ভিতৰত আটাইতকৈ ভয়াৱহ বিদ্যালয়ত গুলীচালনাৰ ঘটনা। উভাল্ডে কনচলিডেটেড স্বতন্ত্ৰ বিদ্যালয় জিলা আৰক্ষী বিভাগৰ মুৰব্বী পিট আৰেডণ্ডোৱে জনোৱা মতে, স্কুলখনৰ দ্বিতীয়, তৃতীয় আৰু চতুৰ্থ শ্ৰেণীৰ শিশু এই হত্যাৰ বলি হৈছে। ছাত্ৰ-ছাত্ৰীসকলৰ বয়স সম্ভৱতঃ ৭ ৰ পৰা ১০ বছৰ। ৰাষ্ট্ৰপতি জো বাইডেনে মাৰ্কিন নাগৰিকসকলক ৰাজনৈতিকভাৱে শক্তিশালী আমেৰিকাৰ বন্দুক লবীৰ বিৰুদ্ধে থিয় দিবলৈ আহ্বান জনায়। ছান এণ্টনিঅ’ৰ ইউনিভাৰ্চিটি হাস্পতালে টুইটাৰযোগে জনোৱা মতে, উভাল্ডেত সংঘটিত হোৱা গুলীচালনাৰ পৰা চাৰিজন ৰোগী তাত চিকিৎসাধীন হৈ আছে, ইয়াৰে এগৰাকী ৬৬ বছৰীয়া মহিলা আৰু এগৰাকী ১০ বছৰীয়া ছাত্ৰীৰ অৱস্থা সংকটজনক। উভাল্ডে মেম’ৰিয়েল হাস্পতালে জনোৱা মতে, ৰ’ব প্ৰাথমিক বিদ্যালয়ৰ ১৫ গৰাকী ছাত্ৰ-ছাত্ৰী জৰুৰীকালীন কক্ষত চিকিৎসাধীন হৈ আছে।
FOX 11 has obtained the photo of the suspected Texas school shooter, 18-year-old Salvador Ramos. MORE: https://t.co/D1s6He8QGK pic.twitter.com/fISExs24MX
— FOX 11 Los Angeles (@FOXLA) May 25, 2022
গৱৰ্ণৰ গ্ৰেগ এবটে কয় যে ছালভাদৰ ৰামোছ নামৰ সন্দেহযুক্তজনক আৰক্ষী বিষয়াই হত্যা কৰিছে আৰু দুজন বিষয়া বন্দুকৰ গুলীত আঘাতপ্ৰাপ্ত হৈছে। ১৮ বছৰীয়া যুৱকজনে ঘটনাস্থলীৰ পৰা পলায়নৰ পূৰ্বে নিজৰ আইতাকক গুলীয়াই হত্যা কৰে আৰু তাৰ পিছত নিজে পলায়ন কৰা গাড়ীখন দুৰ্ঘটনাগ্ৰস্ত কৰিছিল।