নিয়মীয়া বাৰ্তা, ১০ অক্টোবৰঃ ২০১৯ৰ লোকসভা নির্বাচনত পৰাজিত হোৱা ১৪৪ সমষ্টিত বিজেপিয়ে ৪০খন বিশাল জনসভা আয়োজনৰ সিদ্ধান্ত গ্রহণ কৰিছে৷ ২০২৪ৰ নির্বাচনৰ পূর্বে এই ৪০খন জনসভাত অংশগ্রহণ কৰিব প্রধানমন্ত্রী মোদীয়ে৷ দলীয় সূত্রই সদৰী কৰিছে এই তথ্য৷ লোকসভা প্রৱাস যোজনা ফেজ–২ৰ অধীনত বিজেপিয়ে দেশজুৰি এই ১৪৪ সমষ্টিৰ ভিতৰত ৪০খন বিশাল জনসভা আয়োজনৰ সিদ্ধান্ত লৈছে৷ এই জনসভাবোৰত প্রধানমন্ত্রী মোদীয়ে দলৰ হৈ প্রচাৰ চলোৱাটো নিশ্চিত বুলি সদৰী কৰিছে বিজেপি সূত্রই৷ ইয়াৰ উপৰি অন্য ১০৪টা সমষ্টিত বিজেপিৰ সভাপতি জে পি নাড্ডা, গৃহমন্ত্রী অমিত শ্বাহ প্রমুখ্যে নেতাসকলে প্রচাৰ চলাব৷