নিয়মীয়া বাৰ্তা ১ ডিচেম্বৰঃ হাৰিয়ানাৰ এজন মুছলমান ব্যক্তিয়ে হিন্দু মহিলাক বিয়া কৰাৰ আগতে হিন্দু ধৰ্মলৈ ৰূপান্তৰিত হৈছিল। বিবাহৰ পিছত তেওঁ আৰু তেওঁৰ পত্নী পঞ্জাৱ আৰু হাৰিয়ানা উচ্চ ন্যায়ালয়ৰ হস্তক্ষেপৰ বাবে এতিয়া আৰক্ষী সুৰক্ষাৰ অধীনত আছে।
হাৰিয়ানাৰ গৃহমন্ত্ৰী অনিল ভিজে যোৱা সপ্তাহত কৈছিল যে ৰাজ্য চৰকাৰে ‘লাভ জিহাদ’ৰ বিৰুদ্ধে আইন প্ৰস্তুত কৰাৰ বাবে তিনিজনীয়া সমিতি গঠন কৰিছে।
যমুনানগৰৰ আৰক্ষী অধীক্ষক কমলদীপ গোৱেলে মঙলবাৰে কয় যে নাম সলনি কৰা ২১ বছৰীয়া ব্যক্তিজনে হিন্দু আচৰণ অনুসৰি ৯ নৱেম্বৰত ১৯ বছৰীয়া মহিলাগৰাকীক বিয়া কৰায়।
লগতে পঢ়কঃ World Aids Day: ৪০ বছৰ অতিক্ৰম কৰাৰ পাছতো কিয় আবিষ্কাৰ নহ’ল AIDS ৰ ভেকচিন?
দম্পতীটোৱে উচ্চ ন্যায়ালয়ৰ কাষ চাপি কৈছিল যে তেওঁলোকে যুৱতীগৰাকীৰ পৰিয়ালৰ পৰা তেওঁলোকৰ জীৱন আৰু ব্যক্তিগত স্বাধীনতাৰ আশংকা কৰিছিল, আৰু তেওঁলোকৰ বিবাহৰ বিৰুদ্ধাচাৰণ সংবিধানৰ ২১ নং অনুচ্ছেদৰ অধীনত প্ৰদান কৰা তেওঁলোকৰ অধিকাৰৰ গুৰুতৰ উৎপীড়ন বুলি উল্লেখ কৰিছিল।
আৰক্ষীয়ে পিছত তেওঁলোক দুয়োকে সুৰক্ষা প্ৰদান কৰি ৰখাৰ বাবে উচ্চ ন্যায়ালয়ৰ নিৰ্দেশনাত কাম কৰি আছিল।
পাছত আৰক্ষীয়ে যুৱতীগৰাকীৰ পৰিয়ালক লগ কৰে আৰু পৰিয়ালৰ লোকসকলক বুজাবলৈ চেষ্টা কৰিছিল যে দুয়োগৰাকী আইনগতভাৱে বিবাহিত হৈছে। লগতে তেওঁলোকৰ ইচ্ছা অনুসৰি তেওঁলোকক একেলগে বাস কৰিবলৈ অনুমতি দিব লাগে-আৰক্ষী অধীক্ষকজনে এইদৰে কয়।
উল্লেখ্য যে ১১ নৱেম্বৰত এই গোচৰটোৰ শুনানিৰ সময়ত যুৱতীগৰাকীয়ে তেওঁৰ পৰিয়ালৰ সৈতে দেখা কৰিবলৈ অস্বীকাৰ কৰিছিল।