ৰেকৰ্ড ভংগ! এদিনতে ১,০৩৬খন বিমান উৰুৱাই গঢ়িলে ইতিহাস

দেশজুৰি উৎসৱ আৰু ছুটীৰ সময়ত যাত্ৰীৰ বৃদ্ধি পোৱা যাতায়াতৰ চাহিদাৰ মাজত ছত্রপতি শিৱাজী মহাৰাজ আন্তৰ্জাতিক বিমানবন্দৰে (CSMIA) ২১ নৱেম্বৰ ২০২৫ তাৰিখে এটা ডাঙৰ কাৰ্যগত ৰেকৰ্ড সৃষ্টি কৰে। এই দিনটোত বিমানবন্দৰে ২৪ ঘণ্টাত মুঠ ১,০৩৬ এয়াৰ ট্ৰেফিক মুভমেণ্ট (ATM) ৰেকৰ্ড কৰে, যিয়ে ১১ নৱেম্বৰ ২০২৩ তাৰিখৰ ১,০৩২ৰ পূৰ্বৱৰ্তী ৰেকৰ্ড ভংগ কৰে।

সেই দিনটোত মুট ১,৭০,৪৮৮ যাত্ৰী CSMIAৰে যাতায়াত কৰে। ইয়াত ১,২১,৫২৭ আভ্যন্তৰীণ আৰু ৪৮,৯৬১ আন্তৰ্জাতিক যাত্ৰী অন্তৰ্ভুক্ত আছিল। এই সংখ্যা ১১ জানুৱাৰী ২০২৫ তাৰিখে দৰ্শোৱা সর্বাধিক ১,৭০,৫১৬ যাত্ৰীৰ ৰেকৰ্ডৰ কাষতকৈও ওচৰৰ। বিমানবন্দৰত ৮৬,৪৪৩ যাত্ৰীয়ে অৱতৰণ কৰে আৰু ৮৪,০৪৫ যাত্ৰীয়ে উৰণ যাত্ৰা কৰে।

২১ নৱেম্বৰত ৰেকৰ্ড কৰা ১,০৩৬ ATM (এয়াৰ ট্ৰেফিক মুভমেণ্ট)-ৰ ভিতৰত ৭৫৫ অভ্যন্তৰীণ আৰু ২৮১ আন্তৰ্জাতিক উৰণ অন্তৰ্ভুক্ত আছিল। পৰিচালনাৰ সময়ত প্ৰায় ৫২০ অৱতৰণ আৰু ৫১৬ উৰণ কৰা ফ্লাইট সফলভাৱে পৰিচালিত হয়।

আভ্যন্তৰীণ পথত দিল্লী, বেংগালুৰু, আহমেদাবাদ, হায়দৰাবাদ আৰু কলকাতাই সৰ্বাধিক যাত্ৰী চলাচল ৰেকৰ্ড কৰে। আনহাতে আন্তৰ্জাতিক যাত্ৰীয়ে ডুবাই, আবু ধাবি, লণ্ডন হিথ্ৰ’, ডোহা আৰু জেদ্দা পথত আটাইতকৈ বেছি যাতায়াত কৰে।

যাত্ৰীসকলক দ্ৰুত আৰু সুৰক্ষিত সেৱা দিবলৈ CSMIA অব্যাহতভাৱে ডিজিটেল আৰু প্ৰযুক্তিগত সুবিধাসমূহ বৃদ্ধি কৰি আহিছে। বিমানবন্দৰত বৃদ্ধিপ্ৰাপ্ত Self Baggage Drop (SBD) ইউনিট, Self Check-in Kiosk, DigiYatra আৰু FTI-TTP যেনে সুবিধাসমূহে ভিৰৰ সময়ত যাত্ৰীৰ প্ৰক্ৰিয়া তীব্ৰগতিত আগবঢ়াইছে।

এয়াৰপ’ৰ্ট’ অপাৰেচন কন্ট্ৰোল চেণ্টাৰ (AOCC)-ৰ উন্নত ব্যৱস্থাই ৰিয়েল-টাইম মনিটৰিং আৰু বিভিন্ন অংশীদাৰ সংস্থাৰ সৈতে সমন্বয়ক বহু গুণ বৃদ্ধি কৰিছে।

এই সাফল্যৰ সৈতে CSMIA-য়ে প্ৰমাণ কৰিছে যে সেয়া বৃদ্ধি পোৱা যাত্ৰী আৰু ফ্লাইট পৰিচালনা দক্ষতাৰে সামলিব পৰা সক্ষমতা ৰাখে। সুৰক্ষা, সময়ানুবৰ্তিতা আৰু যাত্ৰীসুবিধাৰ ওপৰত নিৰন্তৰ নজৰ ৰাখি বিমানবন্দৰটোৱে ভৱিষ্যতৰ বাবে নতুন মানদণ্ড স্থাপন কৰি আছে।

ডিজিটেল ডেস্ক, ২৫ নৱেম্বৰ