লিভিং টুগেদাৰক লৈ ন্যায়ালয়ে কি ৰায় দিলে? জানক সবিশেষ

দুজন প্রাপ্তবয়স্কই বিচাৰিলে লিভিং টুগেদাৰ বা একত্র বাস কৰিব পাৰে৷ বিয়াৰ বাবে আইনী বয়স নহ’লেও তেওঁলোকে একেলগে থাকিব পাৰে৷ তেওঁলোকৰ সাংবিধানিক অধিকাৰক বয়সৰ দোহাই দি খর্ব কৰিব পৰা নাযায়৷ –এই কথা জনাইছে ৰাজস্থান উচ্চ ন্যায়ালয়ে৷

আমাৰ দেশত ১৮ বছৰ বয়স হ’লেও ২১ বছৰ বয়সৰ পূর্বে পুৰুষৰ বিয়া বৈধ নহয়৷ তথাপি বিয়াৰ এই বৈধ বয়সত উপনীত হোৱাৰ পূর্বেই তেওঁলোকে একত্র বাস কৰিব পাৰে৷ এয়াই পর্যবেক্ষণ ৰাজস্থান উচ্চ ন্যায়ালয়ৰ৷

১৮ বছৰৰ এগৰাকী যুৱতী আৰু ১৯ বছৰৰ এজন যুৱকে সুৰক্ষা বিচাৰি ৰাজস্থান উচ্চ ন্যায়ালয়ত আবেদন জনাইছিল৷ তেওঁলোক দুয়োজনেই কোটাৰ বাসিন্দা৷ তেওঁলোকে ন্যায়ালয়ক জনায় যে তেওঁলোকে স্বেচ্ছাই একত্র বাস কৰিছে৷

একেলগে থাকিবলৈ ২০২৫ বর্ষৰ ২৭ অক্টোবৰত দুয়ো চুক্তিবদ্ধ হৈছিল৷ তেওঁলোকৰ অভিযোগ মতে তাৰ পিছৰে পৰাই যুৱতীৰ পৰিয়ালৰ লোকে তেওঁলোকক মাৰি পেলোৱাৰ ভাবুকি দিয়ে৷ চৰকাৰী অধিবক্তাই তেওঁলোকৰ আবেদনৰ বিৰোধিতা কৰিলেও ন্যায়ালয়ে মন্তব্য কৰে যে আইনী বয়স হোৱা নাই বুলিয়ে তেওঁলোকক সেই অধিকাৰৰ পৰা বঞ্চিত কৰিব পৰা নাযায়৷

ডিজিটেল ডেস্ক, ৬ ডিচেম্বৰ

লগতে এইটোও পঢ়ক — ভাৰতৰ বুকুৱেদি বোৱাই দিয়া হ’ব ৰাছিয়াৰ তেল