পত্নীৰ সৈতে ২০০৫ চনত বিবাহ বিচ্ছেদ হোৱাৰ পাছত ধ্বংস হৈ গৈছিল অষ্ট্ৰেলিয়াৰ প্ৰাক্তন স্পীন বলাৰ ছেন ৱাৰ্ণেই। ইংলেণ্ডত খেল শৃংখলা আৰম্ভ হোৱাৰ সময়তে ৱাৰ্ণেক এৰি গুচি গৈছিল পত্নী ছিমোন কলাহানে। তেনে সময়ত সুৰাৰ নিচাত ডুব গৈ আপোন পাহৰা হোৱাৰ বাদে আন একো উপায় নাছিল খেলুৱৈগৰাকীৰ। পত্নীয়ে তিনি সন্তানক লৈ গুচি যোৱাৰ পাছত সন্তানক নেদেখাৰ দুখত ভংগুৰ হৈ গৈছিল তেওঁৰ জীৱন।
“There’s a few things I’d like to change along the way, but you can’t”
Shane Warne’s new documentary follows his career as one of the most famous cricketers in the world.
He tells #BBCBreakfast being in the public eye ‘is not easy’.https://t.co/qggQF8cSSI pic.twitter.com/d8cokoKHK2
— BBC Breakfast (@BBCBreakfast) January 11, 2022
তাৰ পৰা পৰিত্ৰাণ পাবলৈ তেওঁ লৈছিল সুৰাৰ সহায়। সেইবেলি ইংলেণ্ডৰ সৈতে অষ্ট্ৰেলিয়াৰ শৃংখলাত ৱাৰ্ণেই ৫খন মেছত ৪০টা উইকেট লৈছিল। স্কুলীয়া ছাত্ৰীৰ পৰা আৰম্ভ কৰি ৩টা শিশুৰ মাকৰ সৈতেও অবৈধ সম্পৰ্ক চলি থকাৰ বাবেই পাৰিবাৰিক অশান্তিৰ সৃষ্টি হোৱা বুলি তেতিয়া বৰ বৰ হৰফেৰে মছলাজাতীয় বাতৰি ওলাইছিল কাকতত। শেহতীয়াকৈ নিজৰ জীৱন আধাৰিত তথ্যচিত্ৰ এখনত এই আটাইবোৰ কথা স্বীকাৰ কৰিছে বলাৰগৰাকীয়ে। বিবাহ বিচ্ছেদৰ বাবে সন্তানৰ জীৱনতো যথেষ্ট প্ৰভাৱ পৰাৰ কথা মুকলিকৈ কয় তেওঁ।