বিশেষ বাৰ্তা, ৩মাৰ্চঃ চলিত বছৰৰ মার্চৰ পৰা মে’ মাহৰ ভিতৰত দেশৰ অধিকাংশ ঠাইতেই প্রচণ্ড গৰম পৰাৰ সম্ভাৱনা আছে। এই কথা জনাইছে বতৰ বিজ্ঞান কেন্দ্ৰই। তথ্য অনুসৰি, পশ্চিম, মধ্য তথা উত্তৰ-পশ্চিম ভাৰতত মার্চৰ পৰা মে’ মাহৰ ভিতৰত তাপমাত্ৰা বৃদ্ধি পাব। পাৰাস্তম্ভৰ মান স্বাভাৱিকতকৈ বহু বেছি হ’ব। ৰক্ষা নাপাব দিল্লী তথা ৰাষ্ট্ৰীয় ৰাজধানী অঞ্চল। এই অঞ্চলত স্বাভাৱিকতকৈ বেছি তাপমাত্রাৰ পূর্বাভাস দিয়া হৈছে। অৱশ্যে,পূব, উত্তৰ-পূবত তাপমাত্রা অতিমাত্ৰা নহয় বুলিও জনাইছে। এই বছৰত অভিলেখ ভংগকাৰী গৰমৰ সাক্ষী হ’ব সমগ্ৰ দেশবাসী। আনকি পাহাৰীয়া চহৰবোৰতো আৰু বেছি গৰম পৰিব পাৰে। জম্মু-কাশ্মীৰ, লাডাখ, হিমাচল প্রদেশ, ৰাজস্থানৰ মূল অংশ, গুজৰাট তথা মধ্যপ্রদেশ, মহাৰাষ্ট্রৰ পার্শ্বৱর্তী এলেকাত তাপমান সর্বোচ্চ হ’ব।