বিশেষ বাৰ্তা, ১২ মাৰ্চঃ আইচিচিৰ মহিলা বিশ্বকাপত আকৌ এগৰাকী ভাৰতীয় খেলুৱৈৰ অভিলেখ সৃষ্টি। মহিলা বিশ্বকাপত সৰ্বাধিক উইকেট লোৱা খেলুৱৈ হিচাপে উজলিল ভাৰতীয় পেচ বলাৰ ঝুলন গোস্বামী। আজি ৱেষ্ট ইণ্ডিজৰ বিৰুদ্ধে হৈ থকা খেলখনত আনিছা মহম্মদৰ উইকেটটো লৈ গোস্বামীয়ে এই অভিলেখ ৰচিলে। এইটো ঝুলন গোস্বামীৰ ৪০ সংখ্যক উইকেট। ভাৰতীয় পেচ বলাৰগৰাকীয়ে অষ্ট্ৰেলিয়াৰ লীন ফুলষ্টনৰ অভিলেখ ভংগ কৰিলে। ঝুলন গোস্বামীয়ে ইতিমধ্যে অ’ডিআইত সৰ্বাধিক উইকেট সংগ্ৰহ কৰি অভিলেখ ৰচিছে।