নিয়মীয়া বাৰ্তা, ১৫ মাৰ্চঃ টীম ইণ্ডিয়াৰ উদীয়মান তাৰকা শ্রেয়াছ আয়াৰ আই চি চিৰ মাহটোৰ শ্রেষ্ঠ পুৰুষ খেলুৱৈ বিবেচিত হৈছে৷ যোৱা মাহত ঘৰৰ মাটিত ৱেষ্ট ইণ্ডিজ আৰু শ্রীলংকাৰ বিৰুদ্ধে খেলা শৃংখলাত দাঙি ধৰা চমকপ্রদ প্রদর্শনৰ স্বীকৃতিস্বৰূপে বিশ্ব ক্রিকেটৰ সর্বোচ্চ সংস্থা আই চি চিয়ে ভাৰতৰ প্রতিভাৱান বেটছমেনগৰাকীক এই বঁটাৰে সন্মানিত কৰিছে৷ উল্লেখ্য যে ৱেষ্ট ইণ্ডিজৰ বিৰুদ্ধে তৃতীয় এদিনীয়াত আয়াৰে ৮০ ৰানৰ মেচ উইনিং ইনিংছ খেলিছিল৷ একেদৰে তৃতীয় তথা অন্তিমখন টি–২০ত তেওঁ ১৬টা বলত ২৫ ৰান সংগ্রহ কৰিছিল৷ শ্রীলংকাৰ বিৰুদ্ধে টি–২০ শৃংখলাত বেটছমেনগৰাকীয়ে এবাৰো আউট নোহোৱাকৈ মুঠ ২০৪ ৰান সংগ্রহ কৰে৷