বিশেষ বাৰ্তা, ১৭ মাৰ্চঃ এখন চিনেমাক লৈ এতিয়া উত্তপ্ত দেশৰ ৰাজনীতি। দেশৰ প্ৰধানমন্ত্ৰীৰ পাছত এইবাৰ গৃহমন্ত্ৰী অমিত শ্বাহে দ্য কাশ্মীৰ ফাইলছৰ প্ৰশংসাত পঞ্চমুখ হৈছে। কালি চিনেমাখনৰ নিৰ্মাতা-অভিনেতাসকলক লগ দিলে গৃহমন্ত্ৰীয়ে। টুইটাৰত নিজেই চিনেমাখনৰ টামৰ সৈতে ফটো পোষ্ট কৰি তেওঁ লিখিছে- সত্যৰ শক্তিশালী উপস্থাপন কৰা হৈছে ছবিখনৰ জৰিয়তে। নিজৰ দেশতে গৃহহাৰা হোৱা কাশ্মিৰী পণ্ডিতসকলৰ অসহ্য যন্ত্ৰণা, ত্যাগক খুব সাৱলীলভাৱে দাঙি ধৰা হৈছে। চিনেমাখনে সমাজখনক জাগ্ৰত কৰিব। ইপিনে, জম্মু-কাশ্মীৰৰ বিৰোধী নেতা ফাৰুক আব্দুল্লাকে ধৰি বহু বিৰোধীয়ে চিনেমাখনৰ সমালোচনা কৰিছে আৰু একপক্ষীয় উপস্থাপন বুলি কৈছে।