বিশেষ বাৰ্তা, ৯ মেঃ দেশপ্ৰেমৰ নিদৰ্শন দেখুৱাই পুৰষ্কৃত হৈছে এটা ক্ষুদ্ৰকায় কুকুৰ। যুদ্ধবিধ্বস্ত ইউক্ৰেইনত এটা স্নীফাৰ ডগক পুৰস্কৃত কৰা হৈছে৷ ৰাষ্ট্ৰপতি ভলডিমিৰ জেলেনস্কিয়ে পেট্ৰন নামৰ স্নীফাৰ কুকুৰটোক নিজে মেডেল প্ৰদান কৰিছে। ২৪ ফেব্ৰুৱাৰীত ৰাছিয়াই ইউক্ৰেইন আক্ৰমণ কৰাৰে পৰা দুই শতাধিক বিস্ফোৰক চিনাক্ত কৰা আৰু সেইবোৰৰ বিস্ফোৰণ প্ৰতিৰোধ কৰাৰ কৃতিত্ব দিয়া হৈছে স্নীফাৰ ডগটোক৷ পেট্ৰন আৰু তেওঁৰ গৰাকীক দেশ সেৱাক কৃতিত্ব দিবলৈয়ে জেলেনস্কিয়ে এই কাম কৰে। কানাডাৰ প্ৰধানমন্ত্ৰী জাষ্টিন ট্ৰুডোৰ সৈতে কিয়েভত এখন সংবাদ সন্মিলনত থাকোঁতেই এই বঁটা প্ৰদান কৰে জেলেনস্কিয়ে।