নিয়মীয়া বাৰ্তা, ২৫ জানুৱাৰীঃ পাটনাৰ জেডি মহিলা মহাবিদ্যালয়ত নিষিদ্ধ হ’ল বোৰ্খা । মহাবিদ্যালয়ত প্ৰৱেশৰ সময়ত কোনো ছাত্ৰীয়েই ইউনিফৰ্মৰ বাহিৰে পিন্ধিব নোৱাৰিব অন্য পোছাক । বিশেষকৈ একাংশ যুৱতীয়ে বোৰ্খা পিন্ধি মহাবিদ্যালয়লৈ যোৱাৰ ক্ষেত্ৰতো নিষেধাজ্ঞা আৰোপ কৰিছে কলেজ কৰ্তৃপক্ষই ।
এক বিশেষ জাননীৰ জৰিয়তে কলেজ কৰ্তৃপক্ষই উল্লেখ কৰিছে যে, সকলো ছাত্ৰীয়েই নিজৰ ইউনিফৰ্ম পৰিধান কৰি আহিব লাগিব মহাবিদ্যালয়লৈ । শনিবাৰৰ বাহিৰে প্ৰতিটো দিনতেই ইউনিফৰ্মৰ বাহিৰে অন্য সাজত থাকিব নিষেধাজ্ঞা । এই নিয়ম উলংঘা কৰা সকলৰ ক্ষেত্ৰত ২৫০ টকাৰ জৰিমনা বিহা হ’ব বুলিও উল্লেখ কৰা হৈছে এই জাননীত ।