নিয়মীয়া বাৰ্তা, ২৫ আগষ্টঃ ৰাষ্ট্রীয় ক্রিকেট একাডেমীৰ মুৰব্বী ভি ভি এছ লক্ষ্মণক আসন্ন এছিয়া কাপ ক্রিকেট প্রতিযোগিতাত ভাৰতীয় ক্রিকেট দলটোৰ অন্তর্ৱর্তীকালীন মুখ্য প্রশিক্ষক হিচাপে নিযুক্তি দিয়া হৈছে৷ ক’ৰোনাত আক্রান্ত হোৱা টীম ইণ্ডিয়াৰ মুখ্য প্রশিক্ষক ৰাহুল দ্রাবিড়ৰ স্থানত লক্ষ্মণক এই দায়িত্ব অর্পণ কৰিছে ভাৰতীয় নিয়ন্ত্রণ ব’র্ডে৷ বি চি চি আইৰ এক বিবৃতিত আজি এই কথা সদৰী কৰা হৈছে৷