নিয়মীয়া বাৰ্তা, ২৯ আগষ্টঃ অৱশেষত কংগ্রেছৰ স্থায়ী সভাপতি নির্বাচনৰ দিন চূড়ান্ত কৰিলে দলটোৰ সর্বোচ্চ নীতি নির্ধাৰক সংস্থা কংগ্রেছ ৱর্কিং কমিটী (এআইচিচি)য়ে৷ শতাব্দীপ্রাচীন দলটোৰ নতুন সভাপতি নির্বাচন ছেপ্ঢেম্বৰ মাহতে হ’ব বুলি ঘোষণা কৰা হৈছিল যদিও আভ্যন্তৰীণ মতানৈক্যত জর্জৰিত দলটোৰ সভাপতি নির্বাচন ১৭ অক্টোবৰত হ’ব বুলি চূড়ান্ত কৰা হৈছে৷ ভোটগণনা হ’ব ১৯ অক্টোবৰত৷ এআইচিচিৰ সূত্রই প্রকাশ কৰা অনুসৰি, ২২ ছেপ্ঢেম্বৰত নির্বাচনৰ বিবৃতি প্রকাশ কৰা হ’ব৷ ২৪ৰ পৰা ৩০ ছেপ্ঢেম্বৰৰ ভিতৰত প্রার্থীয়ে মনোনয়ন–পত্র জমা দিব লাগিব৷ অৱশ্যে সর্বসন্মতভাৱে কোনো নেতা সভাপতি মনোনীত হ’লে নির্বাচনৰ প্রয়োজন নহ’ব দলটোত৷