বার্তা বুৰো, ১২ ছেপ্টেম্বৰ : দেশবিৰোধী ইছলামিক মৌলবাদী শক্তিৰ কাৰ্যকলাপৰ লগত জড়িত তথা জেহাদীৰ বিৰুদ্ধে অসম আৰক্ষীৰ কঠোৰ অভিযান অৱ্যাহত থকাৰ সময়তেই কালি নিশা মৰিগাঁও আৰক্ষীৰ তীব্ৰ অভিযানত পুনৰ দুই জেহাদী গ্ৰেপ্তাৰ হোৱা ঘটনাই সমগ্ৰ জিলা খনতে ব্যাপক চাঞ্চল্যৰ সৃষ্টি হৈছে। প্ৰাপ্ত তথ্য অনুসৰি, মৰিগাঁৱৰ উপ আৰক্ষী অধীক্ষক মৌচুমী দাসৰ নেতৃত্বত কালি অভিযান কাৰী গোটে অভিযান চলাই নগাঁও জিলাৰ হয়বৰগাঁও আৰক্ষী থানাৰ অন্তৰ্গত গৰৈমাৰীৰ যামে মছজিদত ইমামৰ হিচাপে থকা ইক্ৰামূল হুছেইনক গ্ৰেপ্তাৰ কৰাৰ লগতে জেহাদ সম্পৰ্কীয় নঠিপত্ৰ জব্দ কৰে। লগতে মৰিগাঁৱ জিলাৰ মৈৰাবাৰী চহৰীয়া পাম গাঁৱৰ পৰা গাড়ী চালক হিচাপে থকা মুছাদ্দিক হুছেইনক আৰক্ষীয়ে গ্ৰেপ্তাৰ কৰিবলৈ সক্ষম হয়। উল্লেখ যে, মৰিগাঁও আৰক্ষীৰ হাতত আটক হোৱা দুয়োজন জেহাদীয়ে ইতিপূৰ্বে গ্ৰেপ্তাৰ হোৱা মুফটি মুস্তাফাই মৰিগাঁৱ নগৰৰ মিলনপুৰ ত আয়োজন কৰা তিনিদিনীয়া প্ৰশিক্ষণত অংশ গ্ৰহণ কৰাৰ লগতে বিগত বৰ্ষত মুফটি মুস্তাফাৰ নেতৃত্বতেই প্ৰশিক্ষণত কেইবাজনো ব্যক্তিয়ে অংশগ্ৰহণ কৰিছিল। ধৃত মুছাদ্দিক ভাতৃ মুজ্জামিলৰ ঘৰত আশ্ৰয় গ্ৰহণ কৰিছিল পলাতক আন ছাৰ উল্লাহ বাংলা তিম ৰ সক্ৰিয় নেতা আবু তাল্লাহ, উছমান, মাহবাবৰ আদি পলাটক বাংলাদেশী জেহাদিয়ে। ধৃত দুয়ো জেহাদীৰ পৰা মৰিগাঁও আৰক্ষীয়ে কেইবাখনো জেহাদী সম্পৰ্কীয় কিতাপ আৰু মোবাইল এপ জব্দ কৰিবলৈ সক্ষম হৈছে। ইপিনে, মৰিগাঁও আৰক্ষীৰ অভিযানত পুনৰ দেশবিৰোধী ইছলামিক মৌলবাদী শক্তিৰ কাৰ্যকলাপৰ লগত জড়িত তথা জেহাদী আটক হোৱা ঘটনাই সমগ্ৰ জিলা খনতেই ব্যাপক চাঞ্চল্যৰ সৃষ্টি হৈছে। ইতিমধ্যে মৰিগাঁও আৰক্ষীয়ে দেশবিৰোধী ইছলামিক মৌলবাদী শক্তিৰ কাৰ্যকলাপৰ লগত জড়িত থকা চক্ৰটোৰ বিৰুদ্ধে অভিযান অব্যাহত থাকিব বুলি প্ৰকাশ কৰিছে মৰিগাঁও ৰ উপ আৰক্ষী অধীক্ষক মৌসুমী দাসে। আনহাতে এই গোচৰত এতিয়ালৈকে ৭ জন জেহাদী গ্ৰেপ্তাৰ হৈছে।
প্ৰেৰক প্ৰাঞ্জল দাস