নিয়মীয়া বার্তা, ৩১জানুৱাৰীঃ ৰাজ্য চৰকাৰৰ বিত্ত বিভাগে যোৱা ২৪ জানুৱাৰীত জাৰি কৰা এক অধিসূচনাৰ জৰিয়তে প্রতিলিটাৰ ডিজেলত ৩৫ পইচাকৈ ভেট বৃদ্ধি কৰিছে৷ বিত্ত বিভাগৰ প্রধান সচিব সমীৰ সিনহাই জাৰি কৰা এই অধিসূচনাৰ জৰিয়তে প্রতিলিটাৰ ডিজেলৰ বিপৰীতে ১৮.৩২ শতাংশকৈ ভেট বৃদ্ধি কৰা হৈছে৷ পূর্বে প্রতিলিটাৰ ডিজেলত ১৭.০৯ শতাংশ নির্ধাৰণ কৰা হৈছিল৷ অর্থাৎ এতিয়া প্রতিলিটাৰ ডিজেলৰ মুঠ ভেট হ’ব ১১.৫০ টকা৷ উল্লেখ্য যে ইয়াৰ জৰিয়তে ৪০–৫০ কোটি টকা ৰাজকোষে আয় কৰিব পাৰিব৷ জাৰি কৰা এই অধিসূচনা যোৱা ২৫ জানুৱাৰীৰ পৰা বলৱৎ হৈছে৷