মহানগৰ বাৰ্তা, ২৮ জুনঃ সাতগাঁৱত আজি এডাল প্ৰকাণ্ড অজগৰ উদ্ধাৰ কৰি বন বিভাগৰ লোকক গতাই দিয়ে স্থানীয় ৰাইজে। জানিব পৰা মতে, বাসন্তী বজাৰৰ মাজমজিয়াত হঠাৎ দহ ফুটতকৈ অধিক দৈৰ্ঘ্যৰ প্ৰকাণ্ড অজগৰ এডাল প্ৰত্যক্ষ কৰে স্থানীয় একাংশ ব্যৱসায়ীয়ে। লগে লগে প্ৰকাণ্ড অজগৰডাল কৰায়ত্ত কৰে স্থানীয় ৰাইজে। তাৰ পিছত বিন বিভাগৰ লোক উপস্থিত হোৱাত অজগৰডাল বিভাগীয় লোকক গতাই দিয়ে। জানিব পৰা মতে, অজগৰডাল নিকটৱৰ্তী আমচাং অভয়াৰণ্যত মুকলি কৰি দিয়ে বন কৰ্তৃপক্ষই।
প্ৰেৰক বিভাষ দাস