তুলসীৰ বহুতো ঔষধি গুণ আছে, যিবোৰ আমাৰ শৰীৰ আৰু ছালৰ বাবে অতি উপকাৰী বুলি প্রমাণিত হৈছে৷
ছালৰ বাবে তুলসী পানীৰ উপকাৰিতা
আয়ুর্বেদত বহু বছৰ ধৰি বহু ৰোগৰ চিকিৎসাৰ বাবে তুলসী ব্যৱহাৰ কৰা হৈছে৷ তুলসী কেৱল এবিধ উদ্ভিদ নহয়, আমাৰ ধর্মীয় অনুভূতিও ইয়াৰ লগত জড়িত হৈ আছে৷ তুলসীৰ বহুতো ঔষধি গুণ আছে, যিবোৰ আমাৰ শৰীৰ আৰু ছালৰ বাবে অতি উপকাৰী বুলি প্রমাণিত হৈছে৷ ই এক শক্তিশালী এণ্টিমাইক্র’বিয়াল, যিয়ে ছালৰ বিভিন্ন ৰোগ আৰু সমস্যা নিৰাময় কৰাত সহায় কৰে আৰু ইয়াক স্বাস্থ্যকৰ কৰি তোলে৷ গতিকে মহিলাসকলে ছালৰ যত্নৰ ৰুটিনত কোনোবা নহয় কোনোবা প্রকাৰে তুলসীক অন্তর্ভুক্ত কৰিব লাগিব৷ বজাৰত এনে বহু সামগ্রী পাব, যিবোৰ তুলসীৰ দ্বাৰা তৈয়াৰ কৰা হয়৷
ছালত তুলসী জলৰ ব্যৱহাৰ
যদি আপুনি আপোনাৰ ছালখন সুস্থ কৰি ৰাখিব বিচাৰে, তেন্তে ঘৰতে তুলসী জল বনাব পাৰে৷ ইয়াৰ বাবে বিশেষ সামগ্রীৰ প্রয়োজন নহয়৷ মাত্র ৪০ৰ পৰা ৫০টা তুলসীৰ পাত, একাপ পানী, আধাকাপ গোলাপ জল আৰু নেমুৰ ৰস ল’ব লাগিব৷ তুলসী জল বনাবলৈ তুলসীৰ সকলো পাত এটা ডাঙৰ পাত্রত ৰাতিটো তিয়াই থৈ পিছদিনা ৰাতিপুৱা ঠাৰিবোৰ ভালদৰে পৃথক কৰিব লাগে৷ ইয়াৰ পিছত এটা সৰু বাটিত তুলসীৰ জল লৈ নেমুৰ ৰস আৰু গোলাপ জল ভালদৰে মিহলাই লওক৷ এই সকলোবোৰ মিহলি কৰাৰ পিছত স্প্রেৰ বটলত তুলসী জল ভৰাই নিয়মিতভাৱে দিনটোত দুবাৰৰ পৰা তিনিবাৰকৈ ব্যৱহাৰ কৰিব লাগে৷ ইয়াৰ দ্বাৰা আপুনি বহু উপকাৰ পাব৷ যদি আপোনাৰ ছালত কোনোধৰণৰ সংক্রমণ হয়, তেন্তে আপুনি দৈনিক তুলসী পানী ব্যৱহাৰ কৰিব লাগে৷ ইয়াৰ এণ্টি–ফাংগেল আৰু এণ্টি–বেক্টেৰিয়েল গুণ আছে৷ ৰাতিপুৱা মুখত তুলসী জল লগাই কিছু সময় ৰাখিব পাৰে৷ যদি আমি দৈনিক আমাৰ ছালত তুলসী পাত লগাওঁ, তেন্তে ই ৰক্ত সঞ্চালন উন্নত কৰে আৰু আমাৰ ছাল উজ্জ্বল কৰে৷ ইয়াৰ উপৰি যদি আপোনাৰ মুখত দাগ থাকে, তেন্তে সেইবোৰো ক্রমান্বয়ে কমিবলৈ আৰম্ভ কৰে৷ একে সময়তে তুলসীৰ বয়স বৃদ্ধি প্রতিৰোধী গুণো আছে আৰু ইয়াৰ পানী মুখত লগালে ছালখন টান হৈ পৰে৷ যদি আপোনাৰ ছালত কোনো এণ্টি–এজিং চিন থাকে, তেন্তে তুলসী পানী ব্যৱহাৰ কৰিলেও সেয়া কমি যাব৷ তেলীয়া ছালৰ লোকে মুখত তুলসী জল লগাব লাগে৷ কাৰণ ই অতিৰিক্ত তেল আঁতৰাই পেলায়৷