পাকিস্তানৰ ৮১ শতাংশ সামৰিক সজ্জা চীনৰ, সেনাৰ উপ-প্ৰধানৰ বিস্ফোৰণ

সামৰিক সজ্জা : ডেপুটী চীফ অৱ আৰ্মী ষ্টাফ (কেপেবিলিটি ডেভেলপমেন্ট আৰু ছষ্টেইনেঞ্চ) লেফটেনেন্ট জেনেৰেল ৰাহুল আৰ সিঙে গুৰুত্বপূর্ণ মন্তব্যত কয় যে “পাকিস্তানৰ ৮১ শতাংশ সামৰিক সজ্জা চীনৰ” আৰু ভাৰতৰ অপাৰেছন সিন্দূৰত চীনে পাকিস্তানক সম্ভৱ সকলো সহায় আগবঢ়াইছে।

FICCI-ৰ দ্বাৰা আয়োজিত ‘নিউ এইজ মিলিটাৰী টেকন’লজী’ অনুষ্ঠানত অংশ লৈ লেফটেনেন্ট জেনেৰেল সিঙে কয়, “চীনৰ বাবে ই যেনে এখন জীয়াই থকা প্ৰয়োগশালা, কিয়নো তেওঁলোকে নিজৰ অস্ত্ৰ আন অস্ত্ৰৰ বিৰুদ্ধে পৰীক্ষা কৰিব পাৰিছে।”

অপাৰেচন সিন্দূৰৰ শিক্ষা

তেওঁ অপাৰেচন সিন্দূৰৰ সময়ত লোৱা কেইটামান গুৰুত্বপূর্ণ পাঠৰ কথাও কয়।

তেওঁ কয়, “বায়ু সুৰক্ষা আৰু ইয়াৰ পৰিপ্ৰেক্ষিতত কৰা ব্যৱস্থা গুৰুত্বপূর্ণ আছিল। এইবাৰ আমাৰ জনবসতিপূৰ্ণ স্থানসমূহ লক্ষ্য কৰা হোৱা নাছিল, কিন্তু পৰৱৰ্তী সময়ত তাৰ বাবে প্ৰস্তুত থাকিব লাগিব।”

তেওঁ আৰু কয়, “অপাৰেচন সিন্দূৰৰ পৰা কিছুমান পাঠ শিকিবলৈ বাধ্য হ’লো। প্ৰথমতে, এটা সীমান্ত আৰু দুটা/তিনি শত্ৰু। পাকিস্তান সন্মুখত আছিল আৰু চীনে সম্ভৱ সকলো সহায় আগবঢ়াইছিল পাকিস্তানক।”

তেওঁ লগতে উল্লেখ কৰে, “যোৱা পাঁচ বছৰত পাকিস্তানৰ ৮১ শতাংশ সামৰিক সজ্জা চীনৰ।… চীনে নিজৰ অস্ত্ৰৰ পৰীক্ষা কৰিব পাৰিছে আন অস্ত্ৰৰ বিৰুদ্ধে — এইটো তেওঁলোকৰ বাবে যেনে এখন জীয়াই থকা প্ৰয়োগশালা।”

“তেওঁলোকে Bayraktar আৰু বহু ড্ৰোন প্ৰদান কৰিছে… DGMO-স্তৰৰ আলোচনা চলি থাকোতেই, পাকিস্তানৰ ওচৰত চীনৰ পৰা আমাৰ গুৰুত্বপূৰ্ণ তথ্যৰ লাইভ আপডেট আছিল। সেইবাবে শক্তিশালী বায়ু সুৰক্ষা ব্যৱস্থা প্ৰয়োজনীয়,” বুলি তেওঁ কয়।

লেফটেনেন্ট জেনেৰেল সিঙে লক্ষ্যবস্তু নিৰ্বাচন আৰু পৰিকল্পনাত প্ৰযুক্তি আৰু মানৱ গোপন সংবাদৰ সংহতিৰ ওপৰত গুৰুত্ব আৰোপ কৰে।

তেওঁ লগতে কয়, “অপাৰেচন সিন্দূৰৰ পৰা কিছুমান পাঠ আছে। নেতৃত্বৰ পৰা কৰা কৌশলগত বার্তা সন্দেহৰ অবকাশ নাছিল। আগৰ দৰে বেদনা সহ্য কৰাৰ ক্ষেত্ৰ নাই।”

তেওঁ জানিবলৈ দিয়ে, “লক্ষ্য নিৰ্বাচন আৰু পৰিকল্পনাৰ ক্ষেত্ৰত বহু তথ্য সংগ্ৰহ কৰা হৈছিল — প্ৰযুক্তি আৰু মানৱ গোপন সংবাদৰ সহায়ত। ২১টা লক্ষ্য নিৰ্ধাৰণ কৰা হৈছিল, যাৰ ভিতৰত ৯টা লক্ষ্যত আক্ৰমণ প্ৰাসংগিক বুলি ধৰা হৈছিল। অন্তিম দিন বা অন্তিম মুহূর্ততে এই ৯টা লক্ষ্যত আক্ৰমণ কৰাৰ সিদ্ধান্ত লোৱা হৈছিল।”

Niyomiya Barta Desk, Date of Published, 4 July, 2025