কমল হাছান-ৰ সংসদত অভিষেক, DMK–MNMৰ ৰাজনৈতিক ঐক্যত নতুন গতি
তেওঁ নিজৰ সাংস্কৃতিক মূল্যবোধ আৰু নাগৰিক দায়িত্বৰ ওপৰত গুৰুত্ব আৰোপ কৰি কয়, “মই এজন ভাৰতীয় হিচাপে মোৰ কৰ্তব্য পালন কৰিম।”
তামিলৰ খ্যাতনামা চলচ্চিত্ৰ অভিনেতা আৰু ৰাজনীতিবিদ কামাল হাছান-এ আজি ৰাজ্যসভাৰ সাংসদ হিচাপে শপত লৈ ৰাষ্ট্ৰীয় ৰাজনীতিত আনুষ্ঠানিকভাৱে প্ৰৱেশ কৰে।
তামিল ভাষাত শপত গ্ৰহণ কৰি তেওঁ নিজৰ সাংস্কৃতিক মূল্যবোধ আৰু নাগৰিক দায়িত্বৰ ওপৰত গুৰুত্ব আৰোপ কৰি কয়, “মই এজন ভাৰতীয় হিচাপে মোৰ কৰ্তব্য পালন কৰিম।”
এই পদক্ষেপে তেওঁৰ ৰাজনৈতিক যাত্ৰাত এক গুৰুত্বপূর্ণ পৰ্যায় সূচিত কৰে— যিয়ে আদৰ্শবাদী উদ্দীপনাৰে আৰম্ভ হৈছিল আৰু এতিয়া কৌশলগত বাস্তৱবোধলৈ পৰিণত হৈছে।
২০১৮ চনৰ ফেব্ৰুৱাৰীত কামাল হাসানে ‘মক্কাল নিধি মাইয়াম’ (MNM) দল গঠন কৰিছিল, যাৰ মূল উদ্দেশ্য আছিল ডি.এম.কে. আৰু এ.আই.এ.ডি.এম.কে.-ৰ আধিপত্যক চেলেঞ্জ কৰি এটি কেন্দ্ৰ বিকল্প উপস্থাপন কৰা।
তেওঁৰ প্ৰাৰম্ভিক ৰাজনৈতিক প্ৰচাৰসমূহত স্বচ্ছতা, স্থানীয় শাসন ব্যৱস্থা, আৰু পৰম্পৰাগত ৰাজনৈতিক দুৰ্ভেদ্যতা ভংগ কৰাৰ ওপৰত গুৰুত্ব দিয়া হৈছিল।
২০১৯ লোকসভা নিৰ্বাচনত MNM-এ ৩৭খন আসনত প্ৰতিদ্বন্দিতা কৰি তুলনামূলকভাৱে নগৰীয়া অঞ্চলসমূহত উন্নত ফল লাভ কৰিছিল।
২০২১ তামিলনাডু বিধানসভা নিৰ্বাচনত হাছানে Coimbatore South আসনৰ পৰা প্ৰতিদ্বন্দিতা কৰিছিল যদিও বিজেপিৰ ভানথি শ্ৰীনিবাসনে তেওঁৰ কম ভোটেৰে জয় লাভ কৰে।
এই পৰাজয়ৰ পিছতো MNM-এ ৰাজ্যিকভাৱে ২.৬ শতাংশ ভোট লাভ কৰিছিল।
পাছলৈ দলৰ ভিতৰ চাপ আৰু সীমিত জনসমৰ্থনৰ প্ৰতি লক্ষ্য ৰাখি হাছানে নিজৰ ৰাজনৈতিক কৌশল পুনৰ পৰ্যালোচনা কৰে।
২০২৪ চনৰ মাৰ্চত MNM-এ DMK নেতৃত্বাধীন ধৰ্মনিৰপেক্ষ প্ৰগতিশীল জোটত (Secular Progressive Alliance) যোগ দিয়ে। এই জোঁটত চামিল হোৱাৰ ফলত DMK-এ ৩৯খন আসনতেই জয় লাভ কৰে, য’ত MNM-ৰ ভূমিকা গুৰুত্বপূৰ্ণ বুলি গণ্য কৰা হয়।
এই জোঁটগত কৃতিত্বৰ স্বীকৃতি হিচাপে, কামাল হাছানক DMK-এ ৰাজ্যসভাৰ আসন প্ৰদান কৰে। তেওঁ লোকসভা নিৰ্বাচনত প্ৰতিদ্বন্দিতা নকৰাকৈ ৰাষ্ট্ৰীয় স্বাৰ্থৰ বাবে উচ্চ সদনত যোৱাৰ পথ বাছি লয়।
DMK নেতা তথা মুখ্যমন্ত্ৰী এম কে ষ্টালিনৰ সমৰ্থনত হাছান ১২ জুনত বিনাপ্ৰতিদ্বন্দ্বিতাতৰে নিৰ্বাচিত হয়।
এই নতুন অধ্যায়ে MNM-ৰ বাবে ৰাষ্ট্ৰীয় মঞ্চত এক গুৰুত্বপূৰ্ণ স্থান প্ৰদান কৰে, যিয়ে আগন্তুক ৰাজ্যিক ৰাজনীতিত দলটোক শক্তিশালী ভূমিকা ল’বলৈ সহায় কৰিব।
MNM-ৰ অষ্টম বাৰ্ষিকীত কামাল হাছানে এই স্থানান্তৰৰ ইঙ্গিত দি কৈছিল — “এই বছৰ আমাৰ শব্দ সংসদত শুনা যাব। অহা বছৰত আপোনালোকৰ শব্দ বিধানসভাত শুনা যাব।”
তেওঁৰ ৰাজনৈতিক পথ এতিয়া চিনেমাটিক আকৰ্ষণ আৰু বিধানসভাগত দায়িত্বৰ সংমিশ্ৰণৰ এক নতুন পৰ্যায়লৈ আগবাঢ়ি গ’ল।
Niyomiya Barta Desk, 25 July, 2025