টেষ্ট ক্রিকেট-ৰ ইতিহাসত সর্বাধিক ৰানৰ তালিকাৰ দ্বিতীয়ত ৰুট

টেষ্ট ক্রিকেট-ত ৰেকৰ্ড : ইংলেণ্ডৰ তাৰকা বেটাৰ জ’ ৰুটে চলিত মানচেষ্টাৰ টেষ্টত এক অনন্য কৃতিত্ব অর্জন কৰিবলৈ সক্ষম হৈছে৷ টেষ্ট ক্রিকেটৰ ইতিহাসত সর্বাধিক ৰান কৰা বিশ্বৰ দ্বিতীয়গৰাকী বেটাৰ হিচাপে নজিৰ গঢ়িলে ৰুটে৷ ইংলেণ্ডৰ তাৰকা বেটাৰগৰাকীয়ে টীম ইণ্ডিয়াৰ প্রাক্তন তাৰকা বেটাৰ ৰাহুল দ্রাবিড়, দক্ষিণ আফ্রিকাৰ তাৰকা অলৰাউণ্ডাৰ জেক কালিছ আৰু অষ্ট্রেলিয়াৰ প্রাক্তন অধিনায়ক ৰিকী পণ্টিঙক অতিক্রম কৰি দ্বিতীয় স্থানটো দখল কৰে৷

মানচেষ্টাৰ টেষ্টৰ পূর্বে ১৩,২৫৯ ৰান কৰা ৰুটে টেষ্টখনৰ তৃতীয় দিনা ৩০ ৰান কৰাৰ লগে লগে ৰুটে টীম ইণ্ডিয়াৰ প্রাক্তন তাৰকা বেটাৰ ৰাহুল দ্রাবিড় (১৩২৮৮)ক অতিক্রম কৰে৷ ইয়াৰ পিছত ১ ৰান কৰি ৰুটে দক্ষিণ আফ্রিকাৰ প্রাক্তন তাৰকা অলৰাউণ্ডাৰ জেক কালিছ (১৩২৮৯) অতিক্রম কৰি তৃতীয় স্থানটো দখল কৰে৷

কিন্তু ইংৰাজ বেটাৰগৰাকীয়ে ইয়াতেই থমকি নৰ’ল৷ ১৭৯টা বলত শতক অর্জন কৰা ৰুটে ব্যক্তিগতভাৱে ১২০ ৰান কৰাৰ লগে লগে টেষ্ট ক্রিকেটৰ সর্বাধিক ৰান কৰা তালিকাৰ দ্বিতীয় স্থানত থকা অষ্ট্রেলিয়াৰ মহান বেটাৰ ৰিকী পণ্টিঙকো অতিক্রম কৰে৷ পণ্টিঙে ১৬৮খন টেষ্টত ১৩৩৭৮ ৰান সংগ্রহ কৰিছিল৷ ১৫৭খন টেষ্টত ৰুটে পণ্টিঙক অতিক্রম কৰে৷ সম্প্রতি ৰুটৰ আগত আছে ক্রিকেটৰ ভগৱান শচীন তেণ্ডুলকাৰ৷ ভাৰতীয় কিংবদন্তিগৰাকীয়ে ২০০খন টেষ্টত ১৫৯২১ ৰান কৰি টেষ্ট ক্রিকেটৰ ইতিহাসত সর্বাধিক ৰান কৰাৰ তালিকাত শীর্ষ স্থানটো অধিকাৰ কৰি আছে৷

Niyomiya Barta Desk, 26 July, 2025

নিয়মীয়া বাৰ্তাৰ ৱেৱছাইট ভিজিট কৰক – Click Here