নিউজিলেণ্ডৰ ২৩ বছৰীয়া বেগী বলাৰ জেক ফাউল্কছে নিজৰ প্ৰথম টেষ্ট খেলত ইতিহাস ৰচনা কৰিছে। জিম্বাবোৱেৰ বিপক্ষে বুলৱায়’ত অনুষ্ঠিত এই টেষ্টত তেওঁ ৯টাকৈ উইকেট দখল কৰিছে, যি নিউজিলেণ্ডৰ কোনো খেলুৱৈৰ টেষ্ট অভিষেকত প্ৰথমবাৰৰ বাবে হোৱা সৰ্বশ্ৰেষ্ঠ প্ৰদৰ্শন। তেওঁৰ এই বলিঙৰ বাবে নিউজিলেণ্ডে জিম্বাবোৱেক ইনিংছ আৰু ৩৫৯ ৰানত পৰাস্ত কৰি টেষ্ট ইতিহাসৰ ভিতৰত নিজৰ সৰ্ববৃহৎ জয় দখল কৰিছে, যি টেষ্ট ক্ৰিকেটৰ ইতিহাসত তৃতীয় সৰ্বাধিক বীৰত্বময় জয়।
জেকৰ প্ৰথম ইনিংছ আৰু দ্বিতীয় ইনিংছৰ বলিং প্ৰদৰ্শন
- প্ৰথম ইনিংছ : ৪ উইকেট
- দ্বিতীয় ইনিংছ : ৫ উইকেট
ইয়াৰ আগতে এই ৰেকৰ্ড ২০২৩ চনত উইল’ ও’ৰূৰ্কৰ আছিল, যিয়ে দক্ষিণ আফ্ৰিকাৰ বিপক্ষে ৯৩ ৰান দিয়ে ৯ উইকেট দখল কৰিছিল। জেকে সেই ৰেকৰ্ড ভংগ কৰি তেওঁৰ প্ৰবল গড় আৰু আক্রমণাত্মক বলিঙৰ দ্বাৰা প্ৰমাণ কৰিলে যে তেওঁ আগলৈও এনে প্ৰদৰ্শন চলাই যাব।
ইফালে দুইখন টেষ্টৰ শৃংখলা নিউজিলেণ্ডে ২-০ৰে জিকিছে। প্ৰথমখন টেষ্টত তেওঁলোকে জিম্বাবোৱেক ৯ উইকেটৰে পৰাস্ত কৰিছিল আৰু দ্বিতীয়খন টেষ্টত ইনিংছ আৰু ৩৫৯ ৰানত জয়লাভ কৰিলে। এই জয় নিউজিলেণ্ডৰ টেষ্ট ইতিহাসৰ সৰ্ববৃহৎ জয়।
Niyomiya barta desk