আজি মিচেল ষ্টাৰ্কে আন্তৰ্জাতিক টি-২০ ক্ৰিকেটৰ পৰা অৱসৰৰ ঘোষণা কৰি সকলোকে চমক দিছে। তেওঁ জনোৱা মতে, তেওঁ এতিয়া টেষ্ট আৰু এদিনীয়া ক্ৰিকেটত মনোনিৱেশ কৰিব বিচাৰে, আৰু সেয়েহে টি-২০ ফৰ্মেটৰ পৰা বিদায় লোৱাৰ এইটোৱে উপযুক্ত সময়। ষ্টাৰ্কৰ পত্নী এলিছা হিলীও এগৰাকী আন্তৰ্জাতিক ক্ৰিকেটাৰ আৰু তেওঁ বিভিন্ন টি-২০ লীগত খেলে।
ষ্টাৰ্কে ২০১২ চনত টি-২০ আন্তৰ্জাতিকত অভিষেক ঘটাইছিল আৰু বিগত বছৰ ভাৰতৰ বিৰুদ্ধে তেওঁৰ শেষ টি-২০ মেচ খেলিছিল। ১২ বছৰৰ টি-২০ কেৰিয়াৰত তেওঁ ৬৫খন মেচত ৭৯টা উইকেট লাভ কৰিছিল। ষ্টাৰ্কে আই পি এল আৰু বিগ বাছ লীগৰ পৰা মোটা অংকৰ উপাৰ্জন কৰে। তেওঁ এতিয়াও আই পি এল ইতিহাসৰ সৰ্বাধিক মূল্যত বিক্ৰী হোৱা বিদেশী খেলুৱৈ।
মিচেল ষ্টাৰ্কে আই পি এল ২০২৪ত কলকাতা নাইট ৰাইডাৰ্ছ (কে কে আৰ)ৰ সৈতে ২৪.৭৫ কোটি টকাৰ চুক্তিৰে ইতিহাসৰ সৰ্বাধিক মূল্যৰ খেলুৱৈ হৈছিল। কিন্তু ২০২৫ চনত ঋষভ পণ্ট আৰু শ্ৰেয়াছ আয়াৰে তেওঁক অতিক্ৰম কৰি তেওঁ এতিয়া তৃতীয় স্থানত আছে। তেওঁৰ আই পি এলৰ উপাৰ্জনৰ তালিকা তলত দিয়া হ’ল-
- ২০১৪ (আৰ চি বি) : ৪ কোটি টকা
- ২০১৫ (আৰ চি বি) : ৪ কোটি টকা
- ২০১৮ (কে কে আৰ) : ৯.৪০ কোটি টকা
- ২০২৪ (কে কে আৰ) : ২৪.৭৫ কোটি টকা
- ২০২৫ (ডি চি) : ১১.৭৫ কোটি টকা
মুঠ আই পি এল উপাৰ্জন : প্ৰায় ৫৪ কোটি টকা
এক প্ৰতিবেদন অনুসৰি, ২০২৩ চনলৈকে মিচেল ষ্টাৰ্কৰ মুঠ নেট ৱৰ্থ আছিল প্ৰায় ২০৮ কোটি টকা (২৫ মিলিয়ন ডলাৰ)। ২০২৪ চনত আই পি এলৰ পৰা ২৪.৭৫ কোটি টকা আৰু ক্ৰিকেট অষ্ট্ৰেলিয়াৰ পৰা প্ৰতিবছৰে প্ৰায় ১২ কোটি টকাৰ স্থায়ী উপাৰ্জনে তেওঁৰ সম্পত্তি বৃদ্ধি কৰিছে। ইয়াৰ উপৰি বিজ্ঞাপনৰ পৰা তেওঁৰ উল্লেখযোগ্য উপাৰ্জন আছে। কিছুমান উৎসৰ মতে, ২০২৪ চনত তেওঁৰ নেট ৱৰ্থ ৪০ মিলিয়ন ডলাৰ (প্ৰায় ৩৩২ কোটি টকা) পৰ্যন্ত হ’ব পাৰে।
ক্ৰিকেট অষ্ট্ৰেলিয়াৰ কেন্দ্ৰীয় চুক্তিৰ জৰিয়তে তেওঁৰ বাৰ্ষিক স্থায়ী বেতন প্ৰায় ১.৪ মিলিয়ন ডলাৰ (১২ কোটি টকাৰ অধিক)। তেওঁৰ মেচ ফী তলত দিয়া হ’ল:
- এখন টেষ্ট মেচ : ২০,০০০ ডলাৰ (প্ৰায় ১৭ লাখ টকা)
- এখন এদিনীয়া মেচ : ১৫,০০০ ডলাৰ (প্ৰায় ১৩ লাখ টকা)
- এখন টি-২০ মেচ : ১০,০০০ ডলাৰ (প্ৰায় ৮.৮ লাখ টকা)
প্ৰতিবেদন অনুসৰি, ষ্টাৰ্কৰ চিডনীৰ উত্তৰ সমুদ্ৰ তীৰত ৫টা সম্পত্তি আছে, যাৰ মুঠ মূল্য প্ৰায় ৩৫ মিলিয়ন ডলাৰ (২৯১.৪ কোটি টকা)। ইয়াৰ ভিতৰত এটা মুখ্য বাসগৃহ নিউ চাউথ ৱেলছৰ ব’ল্খাম হিলছত অৱস্থিত। তেওঁৰ সৰ্বাধিক আলোচিত সম্পত্তি হৈছে টেৰী হিলছৰ চাৰ্লট পাৰ্ক, যাৰ মূল্য ১৫ মিলিয়ন ডলাৰ (প্ৰায় ১৩২ কোটি টকা)। ইয়াৰ উপৰিও তেওঁ আৰু তেওঁৰ পত্নী এলিছা হিলীৰ নৰ্থ কাৰ্ল কাৰ্লত এটা সমুদ্ৰ তীৰৰ সম্পত্তি আছে, যাৰ মূল্য ৫.২৩৫ মিলিয়ন ডলাৰ (প্ৰায় ৪৩.৫ কোটি টকা)।
ষ্টাৰ্কৰ গাড়ীৰ সংগ্ৰহৰ মূল্য প্ৰায় ১ মিলিয়ন ডলাৰৰ ওপৰত। তেওঁৰ সংগ্ৰহত থকা কিছুমান বিলাসী গাড়ী হ’ল:
- লেম্বৰ্গিনী হুৰাকান স্পাইডাৰ আৰ ডব্লিউ ডি : প্ৰায় ৫ কোটি টকা
- জাগুয়াৰ এফ-টাইপ : প্ৰায় ৩ কোটি টকা
- মাৰ্চিডিজ-বেঞ্জ জি-ক্লাছ : প্ৰায় ২.৫ কোটি টকা।
ষ্টাৰ্কৰ বাৰ্ষিক বিজ্ঞাপনৰ উপাৰ্জন প্ৰায় ৪-৭ কোটি টকা। তেওঁৰ কিছুমান উল্লেখযোগ্য চুক্তি হ’ল:
- অডি : জাৰ্মানৰ বিলাসী গাড়ী নিৰ্মাতা
- কুকাবুৰা: অষ্ট্ৰেলিয়াৰ ক্ৰিকেট সঁজুলি নিৰ্মাতা
- ৰেডেল : অষ্ট্ৰেলিয়াৰ স্বাস্থ্যসেৱা ব্ৰেণ্ড
- অন্যান্য ব্ৰেণ্ড : এছিক্স, এছপাৰ্মছ, ফুল সুইং গল্ফ ছিমুলেটৰ, ড্ৰামণ্ড গল্ফ, আৰু শ্বলাষ্টিক
ষ্টাৰ্ক আৰু তেওঁৰ পত্নী এলিছা হিলীয়ে কুইন্সলেণ্ড আৰু নিউ চাউথ ৱেলছত ছুটীৰ ঘৰৰ লগতে কেফে আৰু ৰেষ্টুৰেণ্টৰ ব্যৱসায়ত বিনিয়োগ কৰিছে। তেওঁৰ হাতত আছে উচ্চমানৰ ঘড়ী, ব্যক্তিগত জীম আৰু গল্ফ ক্লাবৰ সদস্যতা। তেওঁৰ এই বিলাসী জীৱনশৈলী তেওঁৰ সম্পত্তিৰ সৈতে মিল খায়।
মিচেল ষ্টাৰ্কৰ নেট ৱৰ্থ ২০২৫ চনত প্ৰায় ২০৮-৩৩২ কোটি টকা (২৫-৪০ মিলিয়ন ডলাৰ)ৰ ভিতৰত। তেওঁৰ আই পি এল, ক্ৰিকেট অষ্ট্ৰেলিয়াৰ চুক্তি, বিজ্ঞাপন, আৰু সম্পত্তিৰ বিনিয়োগে তেওঁক বিশ্বৰ অন্যতম ধনী ক্ৰিকেটাৰ কৰি তুলিছে। তেওঁৰ বিলাসী গাড়ীৰ সংগ্ৰহ আৰু ১৩২ কোটি টকাৰ হাভেলী তেওঁৰ সমৃদ্ধ জীৱনশৈলীৰ প্ৰমাণ।
Niyomiya Barta Desk, 2 September