Jolly LLB 3 চিনেমাৰ ৰিভিউ আৰু বিশদ তথ্য

Jolly LLB 3 হৈছে ২০২৫ চনৰ এখন অতি প্ৰত্যাশিত ক’ৰ্টৰুম ড্ৰামা চিনেমা, য’ত আৰ্শ্বাদ ৱৰ্চী, অক্ষয় কুমাৰ আৰু সৌৰভ শুক্লাৰ অভিনয়ে দৰ্শকৰ মাজত ধুমধাম সৃষ্টি কৰিবলৈ সাজু। চিনেমাখনৰ জোৰদাৰ ট্ৰেইলাৰ ইতিমধ্যে মুক্তি পাইছে, যিয়ে ‘Jolly LLB 3’ৰ প্ৰতি অনুৰাগীৰ উৎসাহক দুগুণে বৃদ্ধি কৰিছে। চিনেমাখনৰ মুক্তিৰ তাৰিখৰ পৰা বাজেট আৰু তাৰকাৰ তালিকালৈ সকলো তথ্য জানি লওঁ।

Jolly LLB 3 কেতিয়া মুক্তি পাব?

‘Jolly LLB 3’ ফ্ৰেঞ্চাইজীৰ প্ৰথম খণ্ড ২০১৩ চনত মুক্তি পাইছিল। সুভাষ কাপুৰৰ পৰিচালনাত নিৰ্মিত এই চিনেমাত আৰ্শ্বাদ ৱৰ্চী, অমৃতা ৰাও, বোমান ইৰানী আৰু সৌৰভ শুক্লাই গুৰুত্বপূৰ্ণ ভূমিকাত অভিনয় কৰিছিল। এই চিনেমাই বক্স অফিচত দুৰ্দান্ত প্ৰদৰ্শন কৰি ৩২ কোটি টকাৰ আয় কৰিছিল। ইয়াৰ চাৰি বছৰৰ পিছত ‘Jolly LLB 2’ত আৰ্শ্বদ ৱৰ্চীৰ পৰিৱৰ্তে অক্ষয় কুমাৰক দেখা গৈছিল। সুভাষ কাপুৰৰ পৰিচালনাত নিৰ্মিত এই চিনেমাও বক্স অফিচত ছুপাৰহিট হৈছিল আৰু ১১৭ কোটি টকাৰ আয় কৰিছিল।

এতিয়া দুয়োগৰাকী Jolly, অৰ্থাৎ আৰ্শ্বাদ ৱৰ্চী আৰু অক্ষয় কুমাৰৰ সৈতে ‘Jolly LLB 3’ আহি আছে, যিখন এই ফ্ৰেঞ্চাইজীৰ সৰ্বাধিক মনোৰঞ্জক চিনেমা হ’বলৈ গৈ আছে বুলি ধাৰণা কৰা হৈছে। এই চিনেমাখন ১৯ ছেপ্টেম্বৰ, ২০২৫ত চিনেমা হলত মুক্তি পাব।

Jolly LLB 3ৰ তাৰকাৰ তালিকা

‘Jolly LLB 3’ৰ পৰিচালনাও সুভাষ কাপুৰে কৰিছে। পূৰ্বৰ দুয়োটা খণ্ডৰ দৰেই এই চিনেমাও হাস্যৰস, ব্যংগ আৰু সামাজিক মন্তব্যৰ এক সুন্দৰ মিশ্ৰণ। চিনেমাখনৰ তাৰকাৰ তালিকাত আছে অক্ষয় কুমাৰ, আৰ্শ্বাদ ৱৰ্চী, অমৃতা ৰাও, হুমা কুৰৈশী, সৌৰভ শুক্লা, গজৰাজ ৰাও আৰু আন্নু কাপুৰৰ দৰে খ্যাতনামা শিল্পী।

Jolly LLB 3 এতিয়াও মুক্তি পোৱা নাই, আৰু ই ১৯ ছেপ্টেম্বৰত চিনেমা হলত উপলব্ধ হ’ব। সেয়েহে এতিয়ালৈকে ইয়াৰ বাজেটৰ বিষয়ে কোনো নিৰ্দিষ্ট তথ্য প্ৰকাশ হোৱা নাই। তথাপি, মিডিয়াৰ প্ৰতিবেদন অনুসৰি এই চিনেমাৰ বাজেট পূৰ্বৰ দুয়োখন প্ৰিকুৱেলতকৈ কম হোৱাৰ সম্ভাৱনা আছে।

Jolly LLB 3ৰ কাহিনী

চিনেমাখনৰ কাহিনী দুগৰাকী জলি আৰু এখন আদালতৰ চাৰিওফালে ঘূৰি থাকে। অক্ষয় কুমাৰ আৰু আৰ্শ্বাদ ৱৰ্চী প্ৰতিদ্বন্দ্বী উকীল হিচাপে মুখামুখি হৈছে, ফলত তেওঁলোকৰ মাজত মজাৰ তৰ্ক-বিতৰ্ক আৰু আইনী শৈলীৰ সংঘৰ্ষ দেখা যাব। বিচাৰপতি ত্ৰিপাঠীৰ চৰিত্ৰত সৌৰভ শুক্লা এইবাৰ দুগৰাকী জলিৰ মাজত আৱদ্ধ হৈ পৰাৰ দৃশ্য দেখা যাব।

Niyomiya Barta Desk, 10 September