ডিজিটেল ডেস্ক, ৬ নৱেম্বৰ : পুনৰ ভাৰতীয় দললৈ প্রত্যাৱর্তন ঘটিল তাৰকা উইকেটকীপাৰ বেটাৰ ঋষভ পণ্টৰ৷ আলহী দল দক্ষিণ আফ্রিকাৰ বিপক্ষে খেলিবলগীয়া আসন্ন দুখনীয়া টেষ্ট মেচৰ শৃংখলাটোৰ বাবে ভাৰতৰ ১৫জনীয়া দলটো ঘোষণা কৰিছে ভাৰতীয় ক্রিকেট নিয়ন্ত্রণ ব’র্ডে৷ এন জগদীশনৰ স্থানত ঋষভ পণ্টক ঘোষিত ভাৰতীয় দলটোত অন্তর্ভুক্ত কৰা হৈছে৷ দক্ষিণ আফ্রিকাৰ বিপক্ষে ১৪ নৱেম্বৰৰ পৰা কলকাতাত প্রথম টেষ্ট আৰু ২২ নৱেম্বৰৰ পৰা গুৱাহাটীত দ্বিতীয়খন টেষ্ট আৰম্ভ হ’ব৷
ইফালে, দুখনীয়া টেষ্ট মেচৰ শৃংখলাটোৰ পূৰ্বে দক্ষিণ আফ্ৰিকা ‘এ’ দলৰ বিৰুদ্ধে খেলিব ইণ্ডিয়া ‘এ’ দলে। দক্ষিণ আফ্রিকা এ দলৰ বিপক্ষে খেলিবলগীয়া তিনিখন এদিনীয়া মেচৰ শৃংখলাটোৰ বাবে ভাৰতীয় এ দলটো ঘোষণা কৰিছে নিৰ্বাচক মণ্ডলীয়ে ৷ ঘোষিত দলটোত স্থান লাভ কৰিছে অসম সন্তান ৰিয়ান পৰাগে৷ মেচখনত তিলক বার্মাই ভাৰতীয় এ দলটোক নেতৃত্ব দিব৷
অসম সন্তান ৰিয়ান পৰাগে স্থান লাভ কৰা দক্ষিণ আফ্ৰিকা ‘এ’ দলৰ বিপক্ষে খেলিব লগা দলটো- তিলক বাৰ্মা (অধিনায়ক), ৰুতুৰাজ গাইকোৱাড, ৰিয়ান পৰাগ, অভিষেক শৰ্মা, ঈশান কিষাণ, আয়ুস বাদোনী, নিশান্ত সিন্ধু, মানৱ সুথাৰ, বিপৰাজ নিগম, হৰ্ষিত ৰাণা, অৰ্শদীপ সিং, প্ৰসিদ্ধ কৃষ্ণ, খলিল আহমেদ আৰু প্ৰভছিমৰণ সিং।