দিল্লী-মুম্বাই-চেন্নাই-জম্মুত IndiGo-ৰ বিমান বাতিল, Akasa Air-ৰো একেই সমস্যা

IndiGo বিমান সেৱাই এই দিনবোৰত গুৰুতৰ অপাৰেচনেল সংকটৰ সম্মুখীন হৈছে। ৪ ডিচেম্বৰৰ বৃহস্পতিবাৰে অৱস্থা ইমানেই ভয়াৱহ হল যে দেশজুৰি IndiGoৰ উৰণ ভয়ংকৰভাৱে প্ৰভাৱিত হয়। এতিয়াও পৰিস্থিতি ইমানেই বেয়া যে ইণ্ডিগ’ৰ অন-টাইম পাৰফৰ্মেন্স (OTP) কেৱল ৮%লৈ নামি আহিছে— অর্থাৎ প্ৰতিদিনে ২২০০খন বিমান সময়মতে উৰোৱা, সেইবোৰৰ ভিতৰত কেৱল ১৭৬খন ফ্লাইট সময়ত উৰিব পাৰিছে। বাকী ২০০০তকৈ অধিক ফ্লাইট পলম, বাতিল বা আন কোনো কাৰণে প্ৰভাৱিত হৈছে।

IndiGo-এ চেন্নাই বিমানবন্দৰৰ পৰা শুকুৰবাৰৰ সন্ধ্যা ৬ বজালৈকে প্ৰায় সকলো প্ৰস্থান বিমান বাতিল কৰিছে। দিল্লী বিমানবন্দৰৰ পৰা ৫ ডিচেম্বৰ তাৰিখে IndiGoৰ সকলো দেশীয় প্ৰস্থান বিমান নিশা ১২ বজালৈকে (23:59) সম্পূৰ্ণৰূপে বাতিল কৰা হৈছে। জম্মু বিমানবন্দৰত পৰিস্থিতি আৰু গম্ভীৰ। সাধাৰণতে প্ৰতিদিনে ১১খন বিমান চলাচল কৰিছিল, কিন্তু আজি IndiGoৰ সকলো ফ্লাইট সম্পূৰ্ণৰূপে বাতিল কৰা হৈছে— না উৰি না পৰিব।

মুম্বাই বিমানবন্দৰত IndiGo কাউণ্টাৰসমূহৰ বাহিৰে ৫০০–৬০০ যাত্ৰী আবদ্ধ হৈ পৰিছে। দীঘলীয়া দেৰি আৰু বাতিলৰ বাবে উত্তেজনা সৃষ্টি হোৱাৰ পিছত CISFক ঘটনাস্থলীত মাতি লৈ আহিবলগীয়া হয়। বহু যাত্ৰীয়ে অভিযোগ কৰিছে যে IndiGoৰ ক্ৰু মেম্বাৰসকল ৰুঢ় আৰু অসহযোগী আচৰণ কৰি আছে। নিৰাপত্তা পুনৰ সংহত কৰিবলৈ অতিৰিক্ত বাহিনী নিয়োগ কৰা হৈছে।

ইয়াৰ মাজতেই Akasa Air জনাইছে যে তেওঁলোকৰ ৱেবছাইট আৰু ম’বাইল এপত টেকনিকেল গ্লিচ দেখা দিছে। ইয়াৰ ফলত অনলাইন বুকিং, ৱেব চেক–ইন, মেনেজ বুকিং আদি সেৱা অস্থায়ীভাবে ব্যাহত হ’ব পাৰে। এয়াৰলাইনটোৱে যাত্ৰীৰ বাবে পৰামৰ্শ দিছে— এয়াৰপৰ্টত অলপ আগতকৈ আগতেই উপস্থিত হ’ব। IndiGoৰ এই অপাৰেচনেল সংকট সমাধান হ’বলৈ কিমান সময় লাগিব সেইটো এতিয়াও নিশ্চিত নহয়, ইয়াৰ ফলত দেশজুৰি হাজাৰ হাজাৰ যাত্ৰী বিপাকে পৰিছে।

ইফালে দেশজুৰি প্ৰায় ৯০০ৰো অধিক IndiGoৰ বিমান স্তব্ধ হৈ পৰিছে।

ডিজিটেল ডেস্ক, ৫ ডিচেম্বৰ