নিয়মীয়া বাৰ্তা, ৬ এপ্ৰিলঃ মহানগৰীৰ ৰিহাবাৰীত সোমবাৰে বিয়লি থিক ৪ বজাত বিধ্বংসী অগ্নিকাণ্ডৰ ঘটনা সংঘটিত হয় । ৰিহাবাৰীৰ এখন বিপণীত সংঘটিত হয় এই অগ্নিকাণ্ড।
অগ্নিকাণ্ডত কেইবালাখ টকাৰ সা-সম্পত্তি ভস্মীভূত হয়। এই অগ্নিকাণ্ডক লৈ সমগ্ৰ ৰিহাবাৰী অঞ্চলত আতংকময় পৰিৱেশৰ সৃষ্টি হয়। পিছত অগ্নিনিৰ্বাপক বাহিনীৰ তৎপৰতাত নিৰ্বাপন কৰা হয় জুই ।
উল্লেখ্য যে বিপণীখন, স্বতাধিকাৰীজনৰ গৃহৰ সন্মুখত অৱস্থিত আছিল । অৱশ্যে এই অগ্নিকাণ্ডত বিপণীৰ পাছফালেই থকা তেওঁৰ পৰিয়ালটো কথমপি ৰক্ষা পৰে ।
ইপিনে অশোক ভাতি নামৰ বিপণীখনৰ স্বতাধিকাৰীজনে জনোৱা অনুসৰি প্ৰায় ৪০ লাখ টকাৰ সম্পত্তি এই অগ্নিকাণ্ডৰ ফলত নষ্ট হৈছে ।