নিয়মীয়া বাৰ্তা ২৯ এপ্ৰিলঃ অভিনেত্রী নাফিছা আলীৰ নাতিনী দিয়া নাইডুৱে ক’ৰোনা ভাইৰাছৰ সংক্রমণৰ পৰা আৰোগ্য হোৱাৰ পাছত মাৰাত্মক ভাইৰাছবিধৰ দ্বাৰা আক্রান্ত ৰোগীৰ চিকিৎসাৰ বাবে দান কৰিছে প্লাজমা৷ অভিনেত্রীগৰাকীয়ে ছ’চিয়েল মিডিয়া ইনষ্টাগ্রামৰ জৰিয়তে এই তথ্য সদৰী কৰিছে৷ স্মর্তব্য যে ক’ভিড–১৯ বা ক’ৰোনাত আক্রান্ত ৰোগী সুস্থ হোৱাৰ পাছত তেওঁলোকৰ শৰীৰৰ প্লাজমাৰ পৰাই অন্য ক’ৰোনা ৰোগীৰ চিকিৎসা চলোৱা হৈছে৷ নাতিনী দিয়া নাইডুৱে ক’ভিড–১৯ত আক্রান্তৰ চিকিৎসাৰ বাবে প্লাজমা দান কৰা বিষয়টোক লৈ অভিনেত্রী নাফিছা গর্বিত বুলিও উল্লেখ কৰিছে৷ স্মর্তব্য যে দুৰাৰোগ্য কর্কট ৰোগৰ পৰা বর্তমান সুস্থ হৈছে অভিনেত্রীগৰাকী৷