নিয়মীয়া বাৰ্তা, ১৬ জুনঃ ৰাণী বনাঞ্চলৰ পৰা জাকৰ সৈতে নিশা ৰাণী চাহ বাগানত খাদ্যৰ সন্ধানত নমাৰ পিছতে চাহ বাগানৰ কাঁইটীয়া তাঁৰৰ বেৰৰ মাজত আবদ্ধ হৈ পৰে এটা হাতীৰ পোৱালি৷
ঘটনাৰ খবৰ লাভ কৰি হাতী পোৱালিটো উদ্ধাৰৰ বাবে ৰাণীৰ বনাঞ্চলিক বিষয়া মনোৰঞ্জন বর্মন, দীপৰ বিল বন্যপ্রাণী অভয়াৰণ্যৰ বিষয়া জ্ঞান বৰা ঘটনাস্থলীত উপস্থিত হয়৷ তেওঁলোকে পিছত হাতীটোক অতি যত্নসহকাৰে কাঁইটীয়া তাঁৰৰ মাজৰ পৰা উলিয়াই অনাৰ ব্যৱস্থা কৰে৷
অৱশ্যে নিশা হাতীৰ জাকটো আহি পোৱালিটো লৈ নোযোৱা পর্যন্ত বন বিভাগৰ কর্মীয়ে পহৰা দিব৷ ৰাণীৰ বনাঞ্চলিক বিষয়া মনোৰঞ্জন বর্মনে জানিবলৈ দিয়া মতে, হাতীৰ জাকৰ পৰা বিচ্ছিন্ন হোৱা পোৱালিটোৰ বয়স আঢ়ৈ মাহমান হ’ব।