নিয়মীয়া বাৰ্তা, ৩০ জুনঃ৩১ জুলাইলৈ বন্ধ থাকিব আন্তঃৰাষ্ট্ৰীয় বিমানসেৱা। লগতে বন্ধ থাকিব ৰে’ল আৰু মেট্ৰ ৰে’ল সেৱা। কণ্টেইনমেণ্ট জ’নসমূহতো ৩১ জুলাইলৈ অব্যাহত থাকিব লকডাউন। কেন্দ্ৰীয় চৰকাৰে এই সন্দৰ্ভত নীতি-নিৰ্দেশনা জাৰি। আজি সমগ্ৰ দেশজুৰি আনলক-১.০ সমাপ্ত হোৱাৰ পৰিপ্ৰেক্ষিতত দেশবাসীক সম্বোধন কৰে প্ৰধানমন্ত্ৰী মোদীয়ে।
যিসময়ত জনসাধাৰণ পূৰ্বতকৈ অধিক সজাগ আৰু সচেতন হ’ব লাগিছিল সেই সময়ত ক’ৰোনাক লৈ কোনো লোক অধিক সচেতন হোৱা পৰিলক্ষিত হোৱা নাই। তেওঁ লগতে কয় যে এতিয়াও ক’ৰোনাক চম্ভালিব পৰা পৰ্যায়ত আছে দেশ। সঠিক সময়ত লোৱা সিদ্ধান্ত আৰু লক ডাউনে ভাৰতত লক্ষাধিক লোকৰ জীৱন বচালে। পূৰ্বতকৈ অধিক সচেতন আৰু সজাগ হৈ থাকিবলৈ আহ্বান জনালে প্ৰধানমন্ত্ৰীগৰাকীয়ে।