নিয়মীয়া বাৰ্তা, ১৩ ছেপ্টেম্বৰঃ ক’ভিড–১৯ ব্যৱস্থাপনা, জিডিপি নিম্নগামী আৰু সংস্থাপন হেৰুওৱাক লৈ প্রধানমন্ত্রী নৰেন্দ্র মোদী নেতৃত্বাধীন এনডিএ চৰকাৰক কালি পুনৰ কঠোৰ ভাষাৰে সমালোচনা কৰে কংগ্রেছৰ প্রাক্তন সভাপতি তথা ৰাহুল গান্ধীয়ে৷
মোদী চৰকাৰক আক্রমণৰ লক্ষ্য কৰি লৈ কংগ্রেছ নেতা ৰাহুল গান্ধীয়ে টুইটাৰত কয় যে ক’ভিড–১৯ৰ বিৰুদ্ধে সুপৰিকল্পিত যুঁজৰ বাবে দেশখনত জিডিপি ইতিহাসৰ সবাতোকৈ সর্বনিম্ন ২৪ শতাংশলৈ নামি আহিল৷ ১২ কোটিয়ে সংস্থাপন হেৰুৱালে৷
ক’ভিড–১৯ত আক্রান্ত হোৱাৰ সংখ্যা প্রতিদিনে বৃদ্ধি পাই আছে, মৃত্যু সংখ্যাও বাঢ়ি গৈ আছে, কিন্তু মোদী চৰকাৰ আৰু মিডিয়াই ইয়াৰ বিপৰীত ছবি প্রতিফলিত কৰি আছে৷