নিয়মীয়া বাৰ্তা, ২ অক্টোবৰঃ জম্মু–কাশ্মীৰৰ নিয়ন্ত্রণৰেখা (এল’চি)ত পাক বাহিনীয়ে যুদ্ধবিৰতি উলংঘা কৰি নির্বিচাৰ গোলাবর্ষণৰ ফলত তিনিজন ভাৰতীয় জোৱান শ্বহীদ হোৱাৰ উপৰি আন পাঁচজন গুৰুতৰভাৱে আহত হৈছে৷ ভাৰতীয় সেনাৰ চকীলৈ লক্ষ্য কৰি পাক বাহিনীয়ে নির্বিচাৰ গোলাবর্ষণ কৰাৰ পিছত ইয়াৰ যোগ্য প্রত্যুত্তৰ দিয়ে ভাৰতীয় বাহিনীয়েও৷ পৃথক পৃথক ঘটনাত তিনিওজন জোৱান নিহত হোৱা বুলি সেনা সূত্রই সদৰী কৰিছে৷
কালি নিশাৰ পৰাই এই যুদ্ধবিৰতি উলংঘা কৰি কুপৱাৰাৰ নাওগাম ছেক্টৰত গুলীবর্ষণ কৰিছিল পাক বাহিনীয়ে৷ নাওগামত দুজন জোৱান শ্বহীদ হোৱাৰ উপৰি অন্য চাৰিজন গুৰুতৰভাৱে আহত হয়৷ ইফালে, ভাগত পুঞ্চ ছেক্টৰত প্রাণ হেৰুৱায় অন্য এজন জোৱানে৷ পাক বাহিনীত পুঞ্চত আহত হয় এজন জোৱান৷