নিয়মীয়া বাৰ্তা, ৬ অক্টোবৰ: চেন্নাই ছুপাৰ কিংছৰ অধিনায়ক মহেন্দ্র সিং ধোনীয়ে আই পি এলত আন এক কৃতিত্ব অর্জন কৰিছে৷ কেইদিনমান পূর্বে আই পি এলত সর্বাধিক মেচ খেলাৰ অভিলেখ ৰচা তাৰকাগৰাকীয়ে যোৱানিশা ঐশ্বর্যশালী টি–২০ লীগখনত ১০০টা কেচ আয়ত্ত কৰা দ্বিতীয়গৰাকী উইকেটৰক্ষক হিচাপে চিহ্ণিত হৈছে৷ কিংছ একাদশ পঞ্জাবৰ ১৮সংখ্যক অ’ভাৰত লোকেশ ৰাহুলৰ কেচ আয়ত্ত কৰি ধোনীয়ে এই মাইলষ্ট’নত উপনীত হয়৷
উল্লেখ্য যে ১৯৫খন আই পি এল মেচত চি এছ কেৰ অধিনায়কগৰাকীয়ে এতিয়ালৈকে ১০০টা কেচ আয়ত্ত কৰাৰ বিপৰীতে কলকাতা নাইট ৰাইডার্ছৰ অধিনায়ক দীনেশ কার্তিকে ১০৩টা কেচ আয়ত্ত কৰিবলৈ সক্ষম হৈছে৷ এই তালিকাৰ তৃতীয় স্থানত আছে ৰবীন উথাপ্পা৷ তেওঁ আই পি এলত এতিয়ালৈকে ৫৮টা কেচ আয়ত্ত কৰিছে৷