নিয়মীয়া বাৰ্তা, ১৩ অক্টোবৰঃ চলিত আই পি এলত এতিয়ালৈ ৭ নম্বৰ স্থানত থকা ছেন্নাই ছুপাৰ কিংছৰ খেলক লৈ অনুৰাগী নিৰাশ। কিয়নো হাৰ্টথ্ৰব এম এছ ধোনিৰ দল আছিল চেন্নাই ছুপাৰ কিংছ। ইয়াকে লৈ ধোনিৰ ব্যক্তিগত জীৱনলৈ আক্ৰমণসূচক মন্তব্য কৰিছে দুই এজনে।
কিন্তু আই পি এলত দৰ্শকৰ মন জয় কৰিব নোৱাৰিলেও ব্ৰেণ্ড ভ্যেলুৰ দিশৰ পৰা এতিয়াও শীৰ্ষত আছে এম এছ ধোনি। ইণ্ডিয়ান ইনষ্টিটিউট অৱ হিউমেন ব্ৰেণ্ডছৰ এক সমীক্ষা মতে, ধোনিয়ে বিৰাট কোহলি, অক্ষয় কুমাৰকো ছেৰ পেলাইছে ব্ৰেণ্ড ভ্যেলুৰ দিশৰ পৰা।
এগৰাকী চেলিব্ৰিটী এণ্ড’ৰ্ছৰ হিচাপে বিৰাট কোহলিয়ে ৬৯ শতাংশ আৰু অক্ষয় কুমাৰে ৬৭ শতাংশৰ সমৰ্থন লাভৰ বিপৰীতে ধোনিয়ে ৮২ শতাংশ সমৰ্থন লাভ কৰে। সমীক্ষাটোত আমিৰ খান আৰু শ্বাহৰুখ খানে সমৰ্থন লাভ কৰে ৫২ শতাংশ। অৰ্থাৎ বলীউডৰ তাৰকাকে ধৰি ভাৰতীয় ক্ৰিকেট তাৰকাকো ব্ৰেণ্ড ভেল্যুৰ দিশৰ পৰা চেৰ পেলাইছে ভাৰতৰ সফল অধিনায়ক ধোনিয়ে।