নিয়মীয়া বাৰ্তা, ১৯ অক্টোবৰঃ সংক্রামক ৰোগৰ মোকাবিলা তথা প্রতিৰোধৰ ক্ষেত্রত যথাযথ ব্যৱস্থা গ্রহণ কৰিবলৈ চীনৰ শীর্ষ বিধায়িনী সংস্থাই এক নতুন জৈৱ নিৰাপত্তা (বায়’ছিকিউৰিটী) আইন প্রণয়ন কৰিছে৷ কালি নিশা এই নতুন আইনখন গৃহীত কৰা হৈছে৷ সংবাদ সংস্থা ঝিনহুৱাৰ প্রতিবেদন অনুসৰি নেচনেল পিপ’লছ কংগ্রেছ ষ্টেণ্ডিং কমিটীয়ে এই আইনখনত অনুমোদন জনোৱাৰ পক্ষত কালি ভোটদান কৰে৷ লক্ষণীয়ভাৱে ২০২১ চনৰ ১৫ এপ্রিলৰ পৰা এই আইনখন দেশজুৰি বলৱৎ হ’ব৷