নিয়মীয়া বাৰ্তা ১৪ ডিচেম্বৰঃ আজি নিশা মহানগৰীৰ পানীখাইতীস্থিত ৰে’ল ষ্টেচন অতিক্রম কৰি ৰে’ল আলিত বাগৰি পৰিল এখন চাৰিচকীয়া বাহন৷ প্রত্যক্ষদর্শীৰ ভাষ্য অনুসৰি নিশা প্রায় ৮ বজাত এএছ–২৩ জেদ–০১০৯ নম্বৰৰ চাৰিচকীয়া বাহনখন নিয়ন্ত্রণ হেৰুৱাই প্লেটফর্ম অতিক্রম কৰি ৰে’ল আলিত সোমায়৷ ফলত বাহনখনৰ চালকসহ চাৰিজন যুৱক–যুৱতীৰ কথমি প্রাণৰক্ষা পৰে৷ প্রাপ্ত খবৰ মতে, চালকসহ আটাইকেইগৰাকী যুৱক–যুৱতীয়ে অত্যধিক সুৰাপান কৰি আছিল৷ স্থানীয় লোকে সুৰাসক্ত যুৱক দুজনক কৰায়ত্ত কৰি আৰক্ষীক গতাই দিয়ে যদিও যুৱতী দুগৰাকীয়ে ঘটনাস্থলীৰ পৰা পলায়ন কৰে৷