নিয়মীয়া বাৰ্তা, ২৭ ডিচেম্বৰঃ নির্বাচনী প্রচাৰৰ সময়ত ঝাৰখণ্ড মুক্তি মর্চা (জেএমএম)ৰ কার্যকৰী সভাপতি হেমন্ত চোৰেণৰ বিৰুদ্ধে অশালীন মন্তব্য আগবঢ়োৱাৰ অভিযোগত বিদায়ী মুখ্যমন্ত্রী ৰঘুবৰ দাসৰ বিৰুদ্ধে ৰুজু কৰা হৈছে গোচৰ৷
ৰাজ্যখনত হেমন্ত চোৰেণৰ বিৰুদ্ধে নির্বাচনী প্রচাৰৰ সময়ত অভব্য মন্তব্য আগবঢ়োৱাৰ অভিযোগ অনা হৈছে ৰঘুবৰ দাসৰ বিৰুদ্ধে৷
আৰক্ষীয়ে নেতাগৰাকীৰ বিৰুদ্ধে ভাৰতীয় দণ্ডবিধি (আইপিচি)ৰ ৫০৪ আৰু ৫০৬ ধাৰাৰ উপৰি এছচি/এছটি (আতিশয্য প্রতিৰোধ) আইনৰ কেইবাটাও ধাৰাৰ অধীনত গোচৰ ৰুজু কৰিছে৷
উল্লেখ্য যে জামতাৰা জিলাৰ মাহিজাম আৰক্ষী থানাত বিদায়ী মুখ্যমন্ত্রীগৰাকীৰ বিৰুদ্ধে এই গোচৰ ৰুজু কৰা হৈছে৷ ইতিমধ্যে আৰক্ষী বিষয়া অৰবিন্দ উপাধ্যায়ক এই গোচৰটো সন্দর্ভত তদন্ত চলোৱাৰ নির্দেশ দিছে আৰক্ষীৰ ঊর্ধ্বতন কর্তৃপক্ষই৷