নিয়মীয়া বাৰ্তা, ৩ মে’: অস্কাৰ বিজয়ী আমেৰিকান অভিনেত্রী অলিম্পিয়া ডুকাকিছৰ দেহাৱসান ঘটিছে৷ ১৯৮৭ চনত ৰোমাণ্টিক কমেডী ছবি মুনষ্ট্রাকত কৰা অভিনয়ৰ বাবে শ্রেষ্ঠ অভিনেত্রীৰ অস্কাৰ বঁটা লাভ কৰিছিল ডুকাকিছে৷
পৰিয়ালৰ সূত্রই অভিনেত্রীগৰাকীৰ দেহাৱসানৰ কথা সদৰী কৰিছে৷ ৮৯ বছৰ বয়সীয়া অভিনেত্রীগৰাকী দীর্ঘদিন ধৰি অসুস্থ হৈ আছিল৷ স্মর্তব্য যে থিয়েটাৰৰ জগতখনত ডুকাকিছ দীর্ঘদিন ধৰি জড়িত হৈ আছিল৷ এগৰাকী পৰিচালিকা হিচাপেও বিশেষ দক্ষতাৰ পৰিচয় দিবলৈ সক্ষম হৈছিল অভিনেত্রীগৰাকীয়ে৷ ১৯৮০ আৰু ১৯৯০ৰ দশকত বহু জনপ্রিয় ছবিত অভিনয়েৰে বিশ্বৰ দর্শকৰ ভূয়সী প্রশংসা লাভ কৰিছিল ডুকাকিছে৷ ডুকাকিছৰ মৃত্যুত গভীৰ শোক প্রকাশ কৰিছে অনুৰাগীসকলে৷