নিয়মীয়া বাৰ্তা ২২ মেঃ ভাৰতীয় ক্রিকেট দলৰ আগন্তুক ইংলেণ্ড ভ্রমণত ঘৰুৱা দলটোৰে খেলিবলগীয়া টেষ্ট শৃংখলাটোৰ সময়সূচী সালসলনি হ’ব বুলি ব্রিটিছ সংবাদ মাধ্যমত প্রকাশ পোৱা বাতৰিটো খণ্ডন কৰিছে ইংলেণ্ড এণ্ড ৱেলছ ক্রিকেট ব’র্ডে৷ পাঁচখনীয়া টেষ্ট শৃংখলাটোৰ সময়সূচী সালসলনি কৰা সন্দর্ভত ভাৰতীয় ক্রিকেট নিয়ন্ত্রণ ব’ডৰ পৰা কোনোধৰণৰ অনুৰোধ লাভ কৰা নাই বুলি ই চি বিয়ে উল্লেখ কৰি আজি এক বিবৃতিৰ জৰিয়তে কয় যে ভাৰত আৰু ইংলেণ্ডৰ মাজত খেলিবলগীয়া
পাঁচখনীয়া টেষ্ট শৃংখলাটো পূর্বৰ সময়সূচীতকৈ এসপ্তাহ পূর্বে অনুষ্ঠিত হ’ব বুলি বৃহস্পতিবাৰে ব্রিটেইনৰ সংবাদ মাধ্যমত প্রকাশ পাইছিল৷ ৪ আগষ্টৰ পৰা দুয়ো দেশৰ মাজৰ টেষ্ট শৃংখলাটো বি চি চি আয়ে এসপ্তাহ পূর্বে অনুষ্ঠিত হোৱাটো বিচাৰিছে৷ যাতে স্থগিত হোৱা আই পি এলৰ মেচসমূহ আয়োজন কৰিব পাৰে৷ কিন্তু ইংলেণ্ড এণ্ড ৱেলছ ক্রিকেট ব’র্ডে আজি এই সন্দর্ভত স্পষ্ট কৰিছে যে টেষ্ট শৃংখলাটোৰ সূচী সালসলনি কৰা সন্দর্ভত ভাৰতীয় ক্রিকেট ব’র্ডে এতিয়ালৈকে তেওঁলোকৰ সৈতে কোনোধৰণৰ যোগাযোগ কৰা নাই৷ বি চি চি আইৰ সৈতে ক’ভিড–১৯ সন্দর্ভত বিভিন্ন ধৰণৰ আলোচনা কৰি থকা হৈছে যদিও টেষ্ট শৃংখলাটোৰ সূচী সলনি কৰা সন্দর্ভত কোনোধৰণৰ অনুৰোধ লাভ কৰা নাই বুলি ই চি বিৰ বিবৃতিটোত সদৰী৷