নিয়মীয়া বাৰ্তা, ৩ ছেপ্টেম্বৰঃ সমাগত আই চি চি টি–২০ বিশ্বকাপলৈ অহা সপ্তাহত ভাৰতীয় দল ঘোষণা কৰা হ’ব৷ ভাৰতীয় ক্রিকেট নিয়ন্ত্রণ ব’ডৰ এক সূত্রই আজি কয় যে ভাৰত আৰু ইংলেণ্ডৰ মাজত আজিৰে পৰা আৰম্ভ হোৱা চতুর্থ টেষ্টৰ সামৰণিৰ পিছতে বিশ্বকাপৰ বাবে টীম ইণ্ডিয়াৰ খেলুৱৈসকলৰ নাম ঘোষিত হ’ব৷
উল্লেখ্য যে অহা ১৭ অক্টোবৰৰ পৰা ১৪ নৱেম্বৰলৈ ইউ এ ই আৰু ওমানত অনুষ্ঠিত হ’বলগীয়া মেগা ইভেণ্টখনৰ বাবে ১০ ছেপ্ঢেম্বৰৰ পূর্বে দলসমূহে খেলুৱৈৰ নাম ঘোষণা কৰিব লাগিব৷ ভাৰতে অহা ২৪ অক্টোবৰত চিৰবৈৰী পাকিস্তানৰ বিৰুদ্ধে খেলি আই চি চি টি–২০ বিশ্বকাপত অভিযান আৰম্ভ কৰিব৷ প্রতিযোগিতাখন ভাৰতৰ মাটিত অনুষ্ঠিত হোৱাৰ কথা আছিল যদিও মহামাৰী ক’ভিড–১৯ৰ প্রাদুর্ভাৱৰ বাবে বি চি চি আয়ে টি–২০ বিশ্বকাপ ইউ এ ই আৰু ওমানলৈ স্থানান্তৰিত কৰে৷