নিয়মীয়া বাৰ্তা, ৮ অক্টোবৰ: লখিমপুৰ জিলাৰ বগীনদী আৰক্ষী থানাৰ অন্তৰ্গত চিয়াজুলীৰ সাতনম্বৰত আজি পুৱাতেই সংঘটিত এক পথ দুৰ্ঘটনাত ট্ৰেক্টৰ চেপাত এজন লোক গুৰুতৰ ভাৱে আহত হয়। আহত হোৱা লোক ১ নং প্ৰতাপগড়ৰ এন্টনি বাৰ্লাৰ পুত্ৰ কাৰ্লোচ বাৰ্লা বুলি জানিব পৰা গৈছে।
ঘটনাৰ বিৱৰণী মতে পুৱা ৮ বজাত সংঘটিত পথ দুৰ্ঘটনাত, মজুৰি কৰিবলৈ ঘৰৰ পৰা ওলাই অহা শ্ৰমিক কাৰ্লোচক চিয়াজুলীৰ সাতনম্বৰত দীৰ্ঘা নদীৰ কোৱেৰীৰ পৰা শিল বালি কঢ়িয়াই লৈ অহা পঞ্জীয়ন বিহীন ৰঙা ৰঙৰ মহেন্দ্ৰা ট্ৰেক্টৰ এখনে খুন্দা মৰাত চাইকেল আৰোহী লোকজন শিলভৰ্তী ট্ৰেক্টৰৰ পিছ চকাত সোমাই পৰাত গুৰুতৰ ভাৱে আহত হয়। আহত লোকজনক তৎক্ষণাত স্থানীয় লোকে চিকিৎসাৰ বাবে প্ৰেৰণ কৰে। দুৰ্ঘটনা সংঘটিত কৰা টেক্টৰৰখন বগীনদী আৰক্ষী থানাৰ অন্তৰ্গত ২নং লালপানী গাঁৱৰ প্ৰশান্ত গগৈ ওৰফে প্ৰেম’ৰ বুলি জানিব পৰা গৈছে।