ঘন কুঁৱলীৰ বাবেই ভয়ানক পথ দুৰ্ঘটনা, হতাহত ৪

• শিৱসাগৰ জিলাৰ জয়সাগৰ আৰক্ষী থানাৰ ৰূপহীমুখৰ ৩৭নং ৰাষ্ট্ৰীয় ঘাইপথত ভয়াৱহ পথ দুৰ্ঘটনা।
• পথ দুৰ্ঘটনাত এজন নিহত আৰু তিনিজন গুৰুতৰভাৱে আহত।
• পুৱা ঘন কুঁৱলীৰ বিপৰীত দিশৰ পৰা আহি থকা HR 39 2359 নম্বৰৰ এখন ডাম্পাৰত খুন্দা মাৰে AS 04 AJ 3863 নম্বৰৰ এখন হোণ্ডাই এক্সট্ৰীয়াৰ বাহনে।
• বিপুল হাতীমূৰীয়া (৫১) নামৰ ব্যক্তিজন পৰিয়ালসহিতে নলবাৰীৰ পৰা শিৱসাগৰ বেতবাৰীস্থিত গৃহাভিমুখে অভিমুখে আহি থকা অৱস্থাতেই দুৰ্ঘটনাটো সংঘটিত হয়।
• ঘন কুঁৱলীৰ বিপৰীত দিশৰ পৰা আহি থকা ডাম্পাৰখনত প্ৰচণ্ড জোৰে খুন্দা মাৰে বাহনখনে।
• দুৰ্ঘটনাটো ইমানেই ভয়ংকৰ আছিল যে বাহনখনৰ সন্মুখভাগ সম্পূৰ্ণৰূপে চূৰ্ণ বিচূৰ্ণ হৈ পৰে।
• স্থানীয় লোকে ততাতৈয়াকৈ দুৰ্ঘটনাত পতিত পৰিয়ালটোক জৰুৰী সেৱাযোগে শিৱসাগৰ অসামৰিক চিকিৎসালয়লৈ প্ৰেৰণ কৰে যদিও বিপুল হাতীমূৰীয়াক (৫১) চিকিৎসকে মৃত ঘোষণা কৰে।
• আনহাতে দুৰ্ঘটনাটোত গুৰুতৰভাৱে আহত বিপুল হাতীমুৰীয়াৰ নমিতা চুতীয়া, ২ বছৰীয়া সন্তান আৰু চালক অৰুণজ্যোতি শীলৰ কথমপি প্ৰাণৰক্ষা পৰে।
• আহতকেইজন বৰ্তমান শিৱসাগৰ অসামৰিক চিকিৎসালয়ত চিকিৎসাধীন অৱস্থাত আছে।
• বৰ্তমান নিৰ্মীয়মাণ অৱস্থাত থকা চাৰিলেনযুক্ত পথৰ নিৰ্মাণত নিয়োজিত একাংশ ডাম্পাৰ চালকৰ মইমতালিৰ বাবেই দুৰ্ঘটনাটো সংঘটিত হয়।
• পথৰ কোনো লাইট নজ্বলোৱাকৈ বিপৰীত দিশৰ পৰা আহি আছিল ডাম্পাৰ দুখন।
• ঘন কুঁৱলীৰ বাবেই ডাম্পাৰকেইখন দেখা পোৱা নাছিল হোণ্ডাই এক্সট্ৰিয়াৰ বাহনখনৰ চালকে।
• ঘটনাস্থলীত জয়সাগৰ আৰক্ষী উপস্থিত হৈ দুৰ্ঘটনাটোৰ প্ৰাথমিক তদন্ত আৰম্ভ কৰিছে।

ডিজিটেল ডেস্ক, ১৮ ডিচেম্বৰ