দক্ষিণ কামৰূপৰ গৰৈমাৰীৰ আচলপাৰাত নিশা কামৰূপ আৰক্ষীৰ অভিযান৷
অভিযানত জব্দ ৪০ লক্ষাধিক টকা মূল্যৰ চোৰাং সামগ্ৰী উদ্ধাৰ কৰা হয়৷
কামৰূপ জিলা আৰক্ষীৰ বৃহৎ এটা দলে যোৱানিশা আচলপাৰাৰ ফাইজুৰ ৰহমান নামৰ লোকজনৰ ডেম্প’ত চলায় অভিযান৷
অভিযানত আৰক্ষীৰ দলটোৱে ডেম্প’টোৰ পৰা জব্দ কৰে বহু পৰিমাণৰ কপাৰ (তাম), বৈদ্যুতিক পৰিবাহী তাঁৰ, কাঁহৰ সামগ্ৰী, বৈদ্যুতিক কামত ব্যৱহৃত মূল্যৱান চোৰাং সামগ্ৰী৷
জব্দ কৰা চোৰাং সামগ্ৰীখিনিৰ মূল্য প্ৰায় ৪০ লক্ষাধিক টকা হ’ব৷
জব্দকৃত সামগ্ৰীখিনি ছয়গাঁও থানালৈ নিয়া বুলি জানিব পৰা গৈছে৷
উল্লেখ্য যে কামৰূপ জিলাৰ অতিৰিক্ত আৰক্ষী অধীক্ষক কল্যাণ পাঠকৰ নেতৃত্বত, কামৰূপৰ DSP অভিষেক দাস আৰু ছয়গাঁও, গৰৈমাৰী, জোৰশিমুলী আৰক্ষীৰ সহযোগত চলে এই অভিযান৷
ডিজিটেল ডেস্ক, ২৬ নৱেম্বৰ