নিয়মীয়া বাৰ্তা, ৭ মে’ : নলবাৰী জিলা প্ৰশাসনে এক অনন্য পদক্ষেপ হিচাপে পৰিৱেশৰ জটিল বিষয়বস্তুৰ ওপৰত গুৰুত্ব আৰোপ কৰি “সৰ্বেশ্বৰ দাস জ্যেষ্ঠ মাধ্যমিক বিদ্যালয়”ত আদৰ্শ ভোটগ্ৰহণ কেন্দ্ৰ স্থাপন কৰিছে। এই পদক্ষেপৰ জৰিয়তে ‘ৰিভাৰ ডলফিন’ আৰু ‘ৱান-হৰ্ণড ৰাইনো’ৰ দৰে বিপন্ন প্ৰজাতিকে ধৰি উদ্ভিদ আৰু প্ৰাণীৰ বাবে এক শৃংখলাবদ্ধ পৰিৱেশ সংৰক্ষণ আৰু অভয়াৰণ্য সম্প্ৰসাৰণৰ ওপৰত গুৰুত্ব প্ৰদান কৰা হৈছে। অসমৰ ৰসাল আৰু সেউজীয়া প্ৰাকৃতিক দৃশ্যৰ চিত্ৰকল্পৰে আবৃত এই আদৰ্শ ভোটগ্ৰহণ কেন্দ্ৰটোৱে পৰিৱেশ সংৰক্ষণৰ সজাগতাৰ ক্ষেত্ৰত এক বিশেষ মাত্ৰা প্ৰদান কৰিছে। ভোটাৰসকলক অসমৰ থলুৱা পৰিৱেশ-সম্পদৰ বিষয়ে সোঁৱৰাই দিয়াৰ লগতে ইয়াৰ সংৰক্ষণৰ ক্ষেত্ৰত ৰাজ্যবাসীৰ দায়িত্বৰ বিষয়টোৰ ওপৰতো গুৰুত্ব আৰোপ কৰা হৈছে। এই পদক্ষেপে কেৱল অসমৰ অনন্য জৈৱ-বৈচিত্ৰ্যক উজ্জ্বল কৰি তোলাই নহয়, পৰিৱেশৰ প্ৰভাৱ আৰু আমাৰ গ্ৰহটোক সুৰক্ষিত কৰাৰ বাবে প্ৰয়োজনীয় সামূহিক ব্যৱস্থাসমূহৰ প্ৰতিও সজাগতা বৃদ্ধিৰ চেষ্টা কৰা হৈছে। নলবাৰীৰ জিলা আয়ুক্ত বৰ্ণালী ডেকাই এই পদক্ষেপ সন্দৰ্ভত মন্তব্য কৰি কয়- “এই আদৰ্শ ভোটগ্ৰহণ কেন্দ্ৰটো পৰিৱেশৰ প্ৰতি দায়বদ্ধতাক প্ৰকট কৰি তোলা এক ভোটগ্ৰহণ কেন্দ্ৰ। আমি আশা কৰোঁ যে ভোটাৰসকলে এক সেউজীয়া মৰুদ্যানত ভোটদান কৰাৰ অনুভৱ লাভ কৰিব।”
প্ৰেৰক শ্বাহ আলম আহমেদ