নিয়মীয়া বাৰ্তা, ২৩ মাৰ্চঃ ৰঙিয়াত কামৰূপ জিলাৰ আৰক্ষী অধিক্ষক হিতেশ ৰায়ৰ সংবাদ মেল। সংবাদ মেলখনত আৰক্ষী অধীক্ষকগৰাকীয়ে ৰঙিয়াত ৪০ লক্ষাধিক টকা মূল্যৰ আফিংসহ তিনি সৰবৰাহকাৰীক গ্ৰেপ্তাৰ কৰা সন্দৰ্ভত জানিবলৈ দিয়ে । কামৰূপ আৰক্ষীয়ে মঙলবাৰে নিশা খেদি খেদি বঙাইগাঁৱত এখন নাইট চুপাৰ বাছৰ পৰা গ্ৰেপ্তাৰ কৰে দুই আফিং সৰবৰাহকাৰীক । গ্ৰেপ্তাৰ হোৱা দুই সৰবৰাহকাৰীৰ স্বীকাৰোক্তিৰ ভিত্তিত মূল আফিং সৰবৰাহকাৰীক ৰঙিয়াৰ উদিয়ানাৰ প্ৰদীপ চৌধুৰীক গ্ৰেপ্তাৰ কৰে । অভিযানত উদ্ধাৰ হৈছে ৬ কেজি ৫৪০ গ্ৰাম আফিং । লগতে উদ্ধাৰ হৈছে নগদ ২ লাখ ১৯ হাজাৰ টকা সহ কেইবাটাও মোবাইল ফোন । আন দুগৰাকী ড্ৰাগছ সৰবৰাহকাৰী হৈছে পাঞ্জাৱৰ জলন্ধৰৰ দলবিন্দৰ সিং আৰু ৰঙিয়াৰ পিতাম্বৰ হাটবজালীৰ ইজ্ৰাইল আলী । উদ্ধাৰ হোৱা আফিংখিনিৰ আনুমানিক বজাৰ মূল্য প্ৰায় ৪০ লাখ টকা ।
প্ৰেৰক ফাৰুক হুছেইন