ক’ৰোনা মহামাৰীৰ সময়ছোৱাত গুৱাহাটী মহানগৰীৰ সকলো এপার্টমেণ্ট পৰিচালনা সমিতি আৰু অট্টালিকাত বাস কৰা লোকসকললৈ এটি গোহাৰিৰ জৰিয়তে ৰাজ্য চৰকাৰ আৰু ৰাষ্ট্রীয় স্বাস্থ্য অভিযানে এলানি নীতি–নির্দেশনা জাৰি কৰিছে৷ ক’ৰোনা কালত এপার্টমেণ্টৰ আবাসী তথা পৰিচালনা সমিতিয়ে পালন কৰিবলগীয়া নির্দেশনাসমূহ–
- এপার্টমেণ্টলৈ বাহিৰৰ দর্শনার্থীৰ প্রৱেশ সীমিত কৰি সকলোৰে ভ্রমণ বিৱৰণ লিপিবদ্ধ কৰিব লাগিব৷
- এপার্টমেণ্টৰ প্রৱেশদ্বাৰত হাত ধোৱা–ছেনিটাইজাৰৰ ব্যৱস্থা কৰিব লাগিব৷
- চৌহদৰ ভিতৰৰ পার্ক, ছুইমিং পুল, ফিটনেছ চেণ্টাৰ আৰু অন্যান্য ৰাজহুৱা সমাৱেশ স্থান বন্ধ কৰিব লাগিব৷
- এপার্টমেণ্টৰ চৌহদৰ লগতে লিফ্টৰ বুটাম, চিৰি আদি অতি কমেও তিনিবাৰকৈ পৰিষ্কাৰ আৰু বিজাণুমুক্ত কৰাৰ ব্যৱস্থা কৰিব লাগিব৷
- এপার্টমেণ্টৰ আবাসীয়ে গেটৰ সন্মুখত সামগ্রী সংগ্রহৰ বাবে বাস্কেটৰ ব্যৱস্থা কৰিব লাগিব৷
- গৃহ আছুতীয়াকৰণ কৰিবলৈ নির্দেশ দিয়াসকলৰ ক্ষেত্রত পৰিচালনা সমিতিয়ে গোপনীয়তা বজাই ৰাখিব লাগিব৷
- গৃহ আছুতীয়াকৰণত থকা ব্যক্তিজনক দৈনন্দিন প্রয়োজনীয় সামগ্রী, ঔষধ আদি লাভ কৰাত সহায় কৰিব লাগিব৷
- সকলো সংক্রমণ নিয়ন্ত্রণ নীতি–নিয়ম মানি চলি প্রয়োজনীয় মানসিক–সামাজিক সমর্থন প্রদান কৰিব লাগিব৷